Atyraudyŋ kıreberısındegı ärqaisysy 300 mln teŋgeden astam qarjyǧa salynǧan, 3 polisiia beketı bos tūr. Ony kütıp ūstau jūmystaryn, endı qala äkımdıgı senımgerlık basqaruǧa beruge tyrysuda, dep habarlaidy «Adyrna» tılşısı «Astana TV» arnasyna sılteme jasap.
2018-şı jyly ǧana salynǧan ekı qabatty nysandardyŋ jylytu qazandyǧy men transformatory bölek. Beinebaqylau kamerasy da, kölık tūraǧy da bar. Alaida aimaq käsıpkerlerı būl nysandarǧa qyzyǧar emes.
«2 ret şyǧardyq. Telefon soǧyp, habarlasyp sūrauşylar bar. Ekı-üş adam sūrady. Osyndai nysan şyǧypty, qatysaiyq,- dep edık dep. Alaida tenderge şyǧarylǧan uaqytta eşkım qyzyǧuşylyq tanytpai otyr. Sol sebeptı üşınşı ret şyǧaryp otyrmyz»,-dedı Atyrau qalasy äkımdıgı qarjy bölımınıŋ orynbasary Gülhan Ǧalymjanova.Qyzyqpaudyŋ da bırneşe sebebı bar siiaqty. Öitkenı şendıler käsıpkerlerge nysannyŋ barlyq şyǧynyn köterıp qana qoimai, tötenşe jaǧdai bola qalǧan jaǧdaida 24 saǧat ışınde bosatyp berudı talap etıp otyr. Onyŋ üstıne ǧimarattan körgen jyldyq paidasynyŋ belgılı bır bölıgın qala qazynasyna berudı mındetteidı. Qomaqty qarjyǧa salynǧan zamanaui ǧimaratty jergılıktı polisiia paidalanyp ta ülgergen joq. IIM sybailas jemqorlyqqa qarsy äreketterın jüzege asyru jospary aiasynda, 2019 jyly beketterdı jappai alyp tastaǧan edı. Aita keteiık, būl beketter ötken jazda küşeitılgen karantin kezınde blok-beket retınde paidalanyldy.
«Adyrna» ūlttyq portaly
