Köktemdegı sudan respublika boiynşa 276 eldı mekenge qauıp bar. Būl turaly tötenşe jaǧdailar ministrlıgı habarlady.
Mamandar qauıptıŋ aldyn alu şaralaryn bastaǧan. Osy maqsatqa jergılıktı biudjetterden 36 milliard teŋgeden asatyn qarajat qarastyrylyp otyrǧanyn jetkızdı, dep habarlaidy “Adyrna” ūlttyq portaly Astanatv.kz. arnasyna sılteme jasap.
Qazırdıŋ özınde zardap şekkenderdı uaqytşa ornalastyratyn 3 myŋnan astam punkt pen üi januarlary üşın qauıpsız oryndar anyqtaǧan.
"Ortalyqtaǧy oblystar, Soltüstık Qazaqstan oblysy, Şyǧys Qazaqstan oblysy jäne Qyzylorda oblysyn qauıptı aimaq dep aituǧa bolady. Qauıptı aimaqtar sany, byltyrǧymen bırdei. Qazır būl öŋırlerdıŋ barlyǧyn baqylauda ūstap otyrmyz. Äzır qauıp joq", - deidı tötenşe jaǧdailar ministrınıŋ bırınşı orynbasary İbragim Külşımbaev.İbragim Külşımbaev tasqynmen küreske 10 myŋnan astam qūtqaruşy saqadai sai tūrǧanyn aitady. Tıptı jüzu qūraldary, motopompalar da daiyn körınedı. Zardap şekken halyqty şūǧyl evakuasiialauǧa "Qazaviaqūtqaru" tıkūşaqtary jūmyldyrylmaq.
