Daŋqty baluan Qajymūqan Mūŋaitpasūlynyŋ türlı-tüstı videosy jariialandy, dep habarlaidy «Adyrna» tılşısı kznews.kz-ke sılteme jasap.
Videoda baluan özge ärıptesterımen bırge ainalyp jürıp, kameraǧa tüsken. Beinejazbany äleumettık jelıge Qaisar Janbolat jüktedı.
Qajymūqan Mūŋaitpasūly 1871 jyly Aqmola uezı, Qaraötkel bolysyna qarasty Qospa eldı mekenınde düniege kelgen. Jastaiynan el arasynda qazaqşa küreske qatysyp, «bala paluan» atanǧan. Ombydaǧy sirktıŋ aşyluynan habardar bolǧan Mūqan 1889 jyly at basyn osy qalaǧa būryp, Zlobin paluanmen küş synasyp, jeŋıstı qanjyǧasyna bailady.
Zlobinnıŋ aqyl-keŋesıne süienıp, Peterbordaǧy Tadevsko-Lebedev atyndaǧy mektepte fransuz küresın meŋgeredı. 1890 jyly Kiev qalasynda ötken halyqaralyq turnirde beldesedı. 1910 jyly alǧaş ret Oŋtüstık Amerika qūrlyǧyna qarai jol tartady. Argentina astanasy Buenos-Aires qalasynda erkın küresten baq synaidy. Nätijesınde Amerika chempiony atanady.
1911 jyly Ystambūlda türıktıŋ ataqty paluany Nūrlyǧany jeŋgenı üşın «qajy» ataǧyn ielenıp, Qajymūqan esımımen köpşılıkke tanylady. Ūly Otan soǧysy kezınde el aralap, sirk önerın körsetıp, 100 myŋ somdai aqşa tauyp, tıkūşaq jasatyp maidanǧa jıberedı. Qazaq halqynyŋ tarihyndaǧy tūŋǧyş käsıpqoi baluan Temırlanmen ırgeles jatqan «Zerdelı» auylynda (qazırgı «Qajymūqan» auyly) dünieden ötken.
https://youtu.be/IPT2tr1pVbU
«Adyrna» ūlttyq portaly
