Otbasy bankı äleumettık jelıdegı paraqşasyna zeinetaqy qoryndaǧy qarajatpen baspana alu üşın qandai qūjattar keregın jariialady, dep habarlaidy “Adyrna” ūlttyq portaly.
45 künnıŋ ışınde satuşymen bırge Halyqqa qyzmet körsetu ortalyǧyna nemese notariusqa baryp satyp alu – satu kelısım şartyn räsımdep, qarajattyŋ maqsatty qoldanylatynyn rastau üşın kelesı qūjattardy enpf-otbasy.kz onlain platformasyna PDF formatynda jükteu qajet:
1. Uäkılettı organ tırkegen tūrǧyn üidı satyp alu-satu şarty.
2. Memlekettık tırkeu turaly anyqtama. (satyp alu-satu şartyn tırkegen mekemeden alynady HQKO nemese notarius)
3. Jyljymaityn mülıkke tırkelgen qūqyqtar turaly jäne onyŋ tehnikalyq sipattamalary turaly anyqtama (egov.kz - arqyly aluǧa bolady)
1 jäne 2 qūjattardy bır PDF failǧa jükteu kerek. Eger sızdıŋ skaner PDF formatyndaǧy qūjat jasai almasa, onda www.ilovepdf.com saity arqyly kez kelgen JPEG, PNG nemese basqa formattaǧy qūjatty PDF - ke tegın auystyra alasyz.
Qūjattardy jüktegen soŋ qarajatty satuşyǧa audaru turaly ötınışke ESQ kömegımen qol qoiyŋyz.
10 jūmys künı ışınde qarajat satyp alu – satu kelısım şartynda körsetılgen derektemeler boiynşa satuşynyŋ şotyna tüsetın bolady. Eske salsaq, būǧan deiın atalǧan platformada päter satyp alu nemese zaimdy öteuge arnalǧan qūjattardy jüktegenge deiın bırrettık zeinetaqy tölemın alǧan soŋ oǧan tuysyŋyz bergen qarajatty qosu mümkındıgı berılgen edı.
2021 jyly 2 qaŋtarda QR Prezidentı Qasym-Jomart Toqaev zeinetaqy jinaǧynyŋ bır bölıgın maqsatty paidalanuǧa qatysty zaŋǧa qol qoidy.
Qazaqstandyqtardyŋ zeinetaqy jinaqtaryn paidalanu üşın jaŋartylǧan «jetkılıktılık şegı» jariialandy. Zeinetaqy jinaǧynan aluǧa bolatyn soma BJZQ saitynda avtomatty türde körsetıledı.
23 qaŋtardan Qazaqstanda zeinetaqynyŋ bır bölıgın aluǧa ötınım qabyldau bastaldy. Arnaiy portalda zeinetaqynyŋ bır bölıgın aluǧa ötınım qabyldau bastalǧaly üş saǧattyŋ ışınde 4 myŋnan astam adam ötınış berdı.
Ūqsas jaŋalyqtar
