Memleket basşysy sot jüiesın jaŋǧyrtu mäselelerı jönınde keŋes ötkızdı, dep habarlaidy «Adyrna» tılşısı Aqordaǧa sılteme jasap.
Qasym-Jomart Toqaev öz sözınde sot jüiesındegı jürgızılıp jatqan reformalar atalǧan salaǧa jaŋadan bılıktı mamandardy jūmyldyruǧa, ädıl sot törelıgın ornyqtyruǧa tiıs ekenın atap öttı.
Onyŋ aituynşa, sybailas jemqorlyq – sot jüiesıne degen senımge selkeu tüsırıp otyrǧan negızgı faktorlardyŋ bırı. Tek soŋǧy 5 jyldyŋ ışınde sybailas jemqorlyq faktısı üşın Femidanyŋ 17 ökılı jauapqa tartyldy. Türkıstan oblysynda sottalǧan alqa töraǧasy men oblystyq sottyŋ sudiasyna qatysty jemqorlyq derekterı qoǧamda ülken şu tuǧyzdy.
– Osydan bırer kün būryn masqara jaǧdai boldy. Joǧary sot keŋesınıŋ būrynǧy müşesı, sondai-aq, audandyq sottyŋ töraǧasy bolǧan, 30 jyldyq eŋbek ötılı bar Joǧarǧy sottyŋ sudiasy ūstaldy. Būl oqys oqiǧa jūrttyŋ bärıne belgılı. Atalǧan jaǧdai qoǧamdy teŋseltıp kettı. Joǧary sot keŋesınıŋ jäne Joǧarǧy sottyŋ basşylyqtary osy oqiǧadan sabaq alyp, qajettı şeşım şyǧaruy kerek dep oilaimyn. Osy kezeŋ ışınde Sot qazylary alqasynyŋ şeşımımen 29 sudia terıs ıs-äreketterı üşın qyzmetterınen bosatylǧan. Jalpy sudialardyŋ qataryn tazalau jūmystary belsendı jürgızılıp jatqany baiqalady. Būl üderıstı mülde toqtatuǧa bolmaidy. Bız sudialarǧa degen qalyptasqan terıs közqarasty özgertuımız kerek. Femidanyŋ barlyq qyzmetkerı zaŋdylyqtyŋ, satylmaityndyqtyŋ, käsıbilıktıŋ üstem qūruyna qyzmet etuı tiıs. Sonda ǧana bız qūqyqtyq memleket jäne ädılettı qoǧam qūra alamyz, – dedı Qasym-Jomart Toqaev.
«Adyrna» ūlttyq portaly
