Qazaqstan prezıdenti Qasym-Jomart Toqaev sot júıesin jańǵyrtý máseleleri jónindegi keńeste memlekettik qyzmetshiler men kásipkerlerdiń ózara yqpaldastyǵyna qatysty máseleni qozǵady, dep habarlaıdy “Adyrna” ulttyq portaly Aqorda. saıtyna silteme jasap.
"Kásipkerlerge orasan zor shyǵyn keltirgen memlekettik apparat pen basqa da tulǵalardyń isi aýyr qylmyspen teńestirilýi kerek dep sanaımyn. Bul máseleni shuǵyl túrde zańnamalyq turǵydan rásimdeý qajet", – dedi Qasym-Jomart Toqaev.
Prezıdent Kásipkerlerdiń quqyǵyn qorǵaý jónindegi ýákildiń jıynda sóılegen sózine túsindirme berdi.
"Sizder aıtqandaı, bıznestiń múddesin qorǵaýǵa jáne ilgeriletýge qatysty "kedergiler arqyly júgirý" deıtin labırınt bar sııaqty. Máseleni is júzinde de, zańnamalyq bastamalar turǵysynan da sheshý kerek. Buǵan qatysty tıisti tapsyrma beremin. Al arbıtrajǵa, sarapshylar qaýymdastyǵyn tartýǵa baılanysty naqty máselelerge keler bolsaq, bul usynystarǵa jete mán berý qajet dep oılaımyn", – dedi memleket basshysy.
Toqaevtyń pikirinshe, máseleni tıisti memlekettik organdar men úkimet qarastyryp bolǵannan keıin, shuǵyl túrde naqty sheshimder qabyldaǵan jón.
