Jekpe-jek alańynda jartylaı orta salmaqta atoı salǵan jerlesimiz, kásipqoı boksshy Batyr Júkembaev (18-0, 14 KO) kelesi kezdesýin naýryzdyń 10-y kúni kúni AQSh-ta ótkizedi, dep habarlaıdy "Adyrna" ulttyq portaly.
Sharshy alańda jeńilip kórmegen jerlesimiz Amerıkada Konnektıkýt shtatyndaǵy Ankasvılle qalasynda ornalasqan Mohegan Sun sport kesheninde ótkizedi. Bul kezdesýdi tikeleı efırde AQSh-taǵy Showtime telearnasy kórsetýge daıyn ekenin málimdedi.
Batyr kásipqoı bokstaǵy osyǵan deıingi barlyq kezdesýlerin Kanadada ótkizgen bolatyn. Otandasymyz ol jaqta Eye of the Tiger Management promoýterlik kompanııasymen kelisimde. Jaqynda ol AQSh-qa kóshýine baılanysty, aldaǵy kezdesýlerin sol jaqta ótkizýdi josparlap otyr.
Aldyńǵy jekpe-jegin Batyr ótken jyldyń qańtar aıynda Monreal qalasynda ótkizip, meksıkalyq boksshy Rıkardo Larýdan (22-8, 10 KO) basym túsken bolatyn.
Batyr Júkembaev - 1991 jyly 5 sáýirde Jambyl oblysynyń Shý qalasynda dúnıege kelgen. Jartylaı orta salmaq dárejesinde óner kórsetetin Qazaqstannyń kásibı boksshysy IBO uıymynyń nusqasy boıynsha álem chempıony. Bokspen kásibı túrde Almatyda shuǵyldana bastady. Batyr - jastar arasynda Qazaqstan chempıony, stýdentter arasyndaǵy Qazaqstan chempıony, Qazaqstan, Ýkraına, Fınlıandııadaǵy halyqaralyq týrnırlerdiń jeńimpazy. 2019 jyldyń qazan aıyna qaraı Djýkembaev kásibı rıngte 16 jekpe-jek ótkizdi jáne onyń 13-i nokaýtpen aıaqtaldy.
2017 jyldyń qańtarynda Batyr Júkembaev Kanadalyq «12 raýnd» jýrnalynyń nomınaııasynda 2016 jyldyń eń perspektıvti boksshysy dep tanyldy. Jýrnalda «25 jastaǵy Qazaqstandyq talantty boksshy jeti jeńisti jekpe-jeginiń altaýyn nokaýtpen aıaqtady, biz onyń 2017 jyly rıngke óner kórsetýin asyǵa kútemiz», - dep jazylǵan bolatyn.
Ularbek Dáleıuly
