46 jastaǧy äiel almatylyqtardy “mügedektık boiynşa järdemaqy aluǧa kömektesemın” dep aldaǧan, dep habarlaidy «Adyrna» tılşısı Polisia.kz-ke sılteme jasap.
Almaty qalasynyŋ Nauryzbai audanynda ömır boiyna mügedektık turaly anyqtama jasap beruge uäde bergen äiel ūstaldy.
– 1975 jyly tuǧan azamatşa täjıribelı alaiaq bolyp tabylady. Ol būryn tört ret sotty bolǧan. Alaiaq zardap şekkendermen türlı medisinalyq mekemelerde tanysqan. Ol soŋǧy ret jäbırlenuşımen qala auruhanalarynyŋ bırınde emdelıp jatqan kezde tanysqan. Äielder bır palatada jatqan, sonyŋ saldarynan ol jäbırlenuşını ömır boiyna mügedektık turaly anyqtama aludyŋ naqty mümkındıgı bar ekendıgıne sendırgen. Būl äreket jäbırlenuşıge 660 myŋ teŋge şyǧyn keltırgen. Alǧaşynda ol tıptı aldanǧanyn da sezbegen, alaiaq äiel habarlasudy toqtatqan kezde ǧana bırdeŋenıŋ dūrys emes ekenın tüsınıp, polisiiaǧa habarlasuǧa mäjbür bolǧan, – dedı Nauryzbai audandyq Polisiia basqarmasynyŋ bastyǧy Didar Ahanov.Qylmys algoritmı öte qarapaiym. Qaraǧandy oblysynyŋ tumasy qatty qinalmai köp aqşa tapqysy kelgen. Onyŋ jospary ıske asyp, qylmystyq kırısı üş million teŋgeden asqan.
– Küdıktı qazır qamauda. Sotqa deiıngı tergeu QR QK-nıŋ 190-babynyŋ 3-bölıgı (Alaiaqtyq) boiynşa jürgızılude. Qazırgı uaqytta osyǧan ūqsas toǧyz epizod däleldendı. Bıraq bız būl soŋǧy tızım emes dep oilaimyz, sondyqtan osy azamatşany bıletın jäne onyŋ äreketterınen zardap şekkenderdıŋ barlyǧyna 254-44-62, +7 707 447 0750 telefon nömırlerı arqyly habarlasudy sūraimyz, – dep qorytyndylady ol.
«Adyrna» ūlttyq portaly
Ūqsas jaŋalyqtar
