Nauryz meiramy 10 kün toilanuy mümkın

Nauryz meiramyn 10 kün toilau turaly ūsynys qaraldy, dep habarlaidy “Adyrna” ūlttyq portaly. Qūjatqa säikes, Nauryz meiramy 14-23 nauryz aralyǧynda atap ötıledı: 14 nauryz – «Körısu künı» 15 nauryz – «Jailau künı» 16 nauryz – «Şejıre künı» 17 nauryz – «Tarihqa taǧzym künı» 18 nauryz – «İgı ıster künı» 19 nauryz – «Şymyrlyq pen şeberlık künı» 20 nauryz – «Ziiatkerlık künı» 21 nauryz – «Ūlttyq taǧamdar künı» 22 nauryz – «Ūlystyŋ ūly künı» 23 nauryz – «Joralǧy künı» «Qazaqstan Respublikasynyŋ Prezidentı Qasym-Jomart Toqaev «Täuelsızdık bärınen qymbat» maqalasynda Nauryz meiramyn toilau tūjyrymdamasyn äzırlep, köktem merekesınıŋ mazmūnyn baiytudy tapsyrdy. (...) Nauryz meiramynyŋ negızgı maqsaty - Qazaqstan jerınde beibıtşılık pen dostyqty nyǧaitu, ūlttyq bıregeilıktı saqtau, otbasylyq qūndylyqtardy därıpteu, qorşaǧan ortaǧa ūqypty qaraudy qalyptastyru», – delıngen qūjatta. Konsepsiiaǧa säikes meiramnyŋ mındetterı mynadai: Jalpyqazaqstandyq ruhani qūndylyqtardy nyǧaitatyn qazaq halqynyŋ salt-dästürlerın jaŋǧyrtu, yntymaq-bırlıktı arttyru; meiram kezınde är adam otbasyna, ata-anasyna baryp, hal-jaǧdai sūrasu arqyly otbasy institutyn küşeitu; azamattyq beibıtşılıktı saqtau, äleumettık ärıptestıktı jäne qaiyrymdylyq jasau mädenietın damytu; etnosaralyq qatynastar mädenietın damytu, qoǧamdaǧy dostyq pen senımdı nyǧaitu; Qazaqstan tabiǧatynyŋ bıregeilıgın, tabiǧatqa ūqypty qaraudy  ūǧynu, ekologiialyq mädeniettı jäne eldı mekenderdıŋ aumaqtaryn abattandyru boiynşa qoǧamdyq bastamalardy damytu. «Ruhani jaŋǧyru» baǧdarlamasynyŋ ideialyq qūndylyqtaryn ıske asyru män mätınınde Ūlystyŋ ūly künı – Nauryz meiramyn atap ötudıŋ mänı joǧary. Nauryz – üilesımnıŋ, bereke men bırlıktıŋ meiramy. Būl ūlttyq bıregeilıktı saqtau, pragmatizmdı qalyptastyru, sananyŋ aşyqtyǧyn arttyru tūrǧysynan maŋyzdy meiram» – delıngen tūjyrymdamada. Eske salaiyq, 2020 jyldyŋ aqpanynda «Ruhani jaŋǧyru» qazaqstandyq qoǧamdyq damu instituty janyndaǧy «Ruhani jaŋǧyru» ortalyǧynyŋ jetekşısı Janar Būqanova Qazaqstanda Nauryz meiramyn toǧyz kün atap ötu ūsynylǧanyn aitqan bolatyn.