Qazaqstandyq boksshy Qanat Islam (27-0-1, 21 KO) rıngke qashan oralatyny belgili boldy, dep habarlaıdy «Adyrna» tilshisi Prosports.kz-ke silteme jasap.
Boxingscene.com málimetinshe, Islam kelesi jekpe-jegin 20 aqpanda Maıamıde (Florıda shtaty) ótkizedi. 10 raýndtyq kezdesýde ol ganalyq Obodaı Saımen (35-3-1, 26 KO) judyryqtasady.
Islam 2019 jyldyń qazanynan beri rıngke shyqqan joq. Keıingi jekpe-jeginde namıbııalyq Ýolter Kaýtondokvany (18-2, 17 KO) jeńip, orta salmaqta WBO International tıtýlyn ıelengen edi.
Al Obodaı Saı 2019 jyly 9 tamyzda sońǵy ret rıngke shyǵyp, kongolyq Mardochı Katembomen teń tarqasqan.
«Adyrna» ulttyq portaly
