Pavlodarda eki jasar bala men anasy joǵalyp ketti. 11 aqpan kúni jas kelinshek balasyn alyp, Vs.Ivanov kóshesi, 71 mekenjaıdaǵy úıden shyǵyp ketken, dep habarlady «Adyrna» tilshisi «Habar 24»-ke silteme jasap.
Onyń qaıda bet alǵany áli eshkimge belgisiz.
«Razııa Krýtko orta deneli, shashy qara, kózi qońyr, boıy shamamen 170 santımetr. Kózderin sál qysatyn ádeti bar», - dep atap ótti eriktiler.
Úıden shyqqan kúni ol kapıýshony bar qara kúrte, sur snýt jáne qara etik kıgen. Qolyna qara kók tústi sómkesin alyp shyqqan. Jas ananyń eki jasar uly Tımýr sur jáne qyzyl tústi kombınezon men kók tústi bas kıim kıip shyqqan.
Eriktiler joǵalǵandar týraly qandaı da bir aqparat bolsa, 102 nemese 87474 615 55 63, 8 777 334 82 01 telefondary arqyly habarlaýdy suraıdy.
«Adyrna» ulttyq portaly
