Türkıstan oblysynda kämeletke tolmaǧan balalardy qaǧyp, oqiǧa ornynan qaşyp ketken küdıktı ūstaldy, dep habarlaidy «Adyrna» tılşısı Polisia.kz-ke sılteme jasap.
Künı keşe äleumettık jelı arqyly 14 aqpanda Türkıstan oblysy Jetısai audanynda jasy kämeletke tolmaǧan balalardyŋ qatysuymen jol-kölık oqiǧasy oryn alyp, oǧan kınälı küdıktınıŋ ızdestırılıp jatqany turaly aqpar taratylǧan bolatyn. Bügın jergılıktı polisiia qyzmetkerlerınıŋ tiianaqty jūmysynyŋ nätijesınde küdıktı ūstaldy.
Naqtyraq aitar bolsaq, 14 aqpanda Jetısai audandyq polisiia bölımıne auruhanadan türlı dene jaraqattarymen üş bırdei kämelet jasyna tolmaǧan balalardyŋ jetkızılgenı turaly habarlama kelıp tüsken. Oqiǧa ornyna jedel jetken poliseiler sol künı keşkı saǧat 17:50 şamasynda Jetısai qalasyndaǧy S.Erubaev köşesı boiynda belgısız avtokölık oŋtüstıkten soltüstık baǧytyna qarai jürıp bara jatyp, üş jasöspırım balany soǧyp ketıp, jol-kölık oqiǧasyn jasaǧanyn anyqtady.
Jol-kölık oqiǧasy saldarynan üş bala da auruhanaǧa jetkızıldı. Iаǧni 16 jäne 13 jas şamasyndaǧy balalar türlı dene jaraqattarymen emhanada em qabyldasa, nebary tört jastaǧy büldırşın auyr dene jaraqatynyŋ saldarynan jansaqtau bölımıne tüsıp, köz jūmdy.
Atalǧan jait Jetısai audandyq polisiia bölımınde ekı bırdei bappen, QR QK-nıŋ 345-baby (Kölik qūraldaryn basqaratyn adamdardyŋ jol jürısı nemese kölik qūraldaryn paidalanu qaǧidalaryn būzuy) jäne küdıktınıŋ oqiǧa ornyn tastap ketkenı üşın QR QK-nıŋ 347-baby (Jol-kölik oqiǧasy bolǧan jerden ketıp qalu) boiynşa sotqa deiıngı tergep-tekserudıŋ bıryŋǧai tızılımıne tırkeldı.
Būl qylmysty jedel aşu maqsatynda audan poliseilerı küdıktını anyqtauǧa qatysty jedel ızdestıru jūmystaryn jürgızdı. Oqiǧa ornyn tiianaqty teksergen tärtıp saqşylary sol orynnan belgısız avtokölıktıŋ artqy jaryq şamdarynyŋ synyqtary men aina synyqtaryn aldy. Būl zattardyŋ “Audi-100” markaly avtokölıgıne tiesılı jäne kölıktıŋ tüsı sūr-qara (mokryi asfalt) boluy yqtimal dep boljanyp, ızdestırılu jūmystary joǧary deŋgeide atqaryldy. Nätijesınde oqiǧaǧa qatysty küdıktı retınde jasy qyryq şamasyndaǧy Jetısai qalasynyŋ jergılıktı tūrǧyny qūryqtaldy. Poliseilerdıŋ kölıkke qatysty jasaǧan boljamy da rastalyp, küdıktınıŋ “Audi 100” markaly avtokölıgı bar ekenı anyqtaldy.
Qazırgı uaqytta ūstalǧan azamat qamauda, tergeu amaldary jürgızılude. Al kölık aiyptūraqqa qoiyldy. Saraptamalar taǧaiyndaldy.
«Adyrna» ūlttyq portaly
