Qazaqstan Respublikasy Aqparat jäne qoǧamdyq damu ministrlıgı «Qazaqstannyŋ 100 jaŋa esımı» jobasynyŋ törtınşı kezeŋınıŋ bastalǧanyn mälımdedı, dep habarlady «Adyrna» tılşısı.
Ötınımderdı qabyldau 2021 jyldyŋ 22 aqpanynan 15 nauryzyna deiın 100janaesim.ruh.kz saitynda jüzege asady.
«Qazaqstannyŋ 100 jaŋa esımı» jobasy – Täuelsızdık jyldarynda tabysqa jetken, elımızdıŋ är öŋırınde tūratyn türlı jastaǧy, san aluan etnos ökılderınıŋ tarihy. Joba 2017 jyly Elbasy N. Nazarbaevtyŋ bastamasymen jaryq körıp, biyl da jalǧasyn tapty.
«Biylǧy baiqau – el Täuelsızdıgınıŋ 30 jyldyǧy aiasynda ūiymdastyryluda. Osy jyldar ışındegı elımızdıŋ tabystary – el azamattarynyŋ eren eŋbegınıŋ jemısı. Jaqsydan üiren degen halqymyz jas ūrpaqty osyndai adamdardan önege aluǧa tärbielegen»,- dedı QR Aqparat jäne qoǧamdyq damu ministrı Aida Balaeva.Jobaǧa elde jäne elden tys jerlerde tūratyn qazaqstandyqtar qatysa alady. Qatysuşylardyŋ ötınımderı kelesı 7 nominasiia boiynşa ırıkteledı: medisina, bılım beru, ǧylym jäne innovasiia, ekologiia, mädeniet jäne sport, biznes, qoǧam. Qatysu üşın ümıtkerler 100janaesim.ruh.kz saityndaǧy saualnamany toltyru qajet. Joba şarttaryna säikes qatysuşy senımdı aqparat beruge mındettenedı. Jalǧan aqparat ūsynu, onlain dauys beru kezınde falsifikasiiaǧa jügınu syndy nemese özge de qūqyq būzuşylyq aktılerı anyqtalsa, ūiymdastyruşylar qatysuşyny jobadan şyǧaryp jıberuge qūqyly. Barlyq ötınımder moderasiiadan ötedı, keiın saitta jariialanady. Ötınımderdı qabyldau merzımı aiaqtalǧannan keiın bükılhalyqtyq onlain dauys beru bastalady. Sondai-aq, ötınımderdıŋ belgılı bır bölıgı tanymal qoǧam jäne mädeniet qairatkerlerı, sport, biznes ökılderınen tūratyn qazylar alqasynyŋ qarauyna ūsynylady. Oǧan qosa osy jyldan bastap ötken mausymdardyŋ jeŋımpazdary qazylar alqasynyŋ qūramyna enedı. Dauys beru kezınde eŋ köp ūpai jinaǧan jäne qazylar alqasynyŋ taŋdauyna ılıngen qatysuşylar aǧymdaǧy jyldyŋ säuır aiynda joba jeŋımpazdary bolyp atanady.
«Adyrna» ūlttyq portaly
