«Birgemiz» qorynyŋ qamqorşylyq keŋesı Jambyl oblysynyŋ Jaŋatas qalasynda ört saldarynan 5 balasynan aiyrylǧan Äbdımälıkovter otbasyna 2 mln teŋge beru şeşımın qabyldady, dep habarlaidy «Adyrna» tılşısı QazAqparat-qa sılteme jasap.
«Qor atynan qaza tapqan balalardyŋ ata-anasy men jaqyndaryna qaiǧy-qasıretterıne ortaqtasyp köŋıl aitamyz. Būl, balalardyŋ ata-anasy üşın de, bız üşın de orny tolmas auyr qaza. Äbdımälıkovter otbasynyŋ qaiǧylaryn bölıse otyryp, bız materialdyq kömek körsetuge şeşım qabyldadyq», - dedı qor töraǧasy Ruslan Sakeev.Esterıŋızge sala keteiık, «Birgemiz» qory ötken jyldyŋ nauryz aiynda Tūŋǧyş Prezident, «Nur Otan» partiiasynyŋ Köşbasşysy Nūrsūltan Nazarbaevtyŋ bastamasymen koronaviruspen küres jaǧdaiynda halyqtyŋ äleumettık osal toptaryn qoldau üşın qūrylǧan bolatyn. Osy uaqyt ışınde qor qarajatynan 655 myŋnan astam mūqtaj azamat 50 myŋ teŋgeden aldy. Pandemiia bastalǧan kezeŋde Nūr-Sūltan, Almaty jäne Şymkent qalalaryndaǧy äleumettık älsız 100 myŋ otbasyǧa 5 mln maska taratyldy. Sonymen qatar, qor esebınen Türkıstan oblysynyŋ Maqtaaral audanyndaǧy Myrzakent auylynda 32 üidıŋ qūrylysy aiaqtaldy.
«Adyrna» ūlttyq portaly
