Almaty tūrǧyndary äkımnıŋ otstavkaǧa ketuın talap ettı. Öitkenı beluardan balşyq keşıp jürgen jūrttyŋ basqa amaly joq. Alǧabas auyly qala aumaǧyna kırgen kezde su qūbyryn jürgızu jūmysy bastalǧan. Sodan berı üş jyl ötse de qūrylysy aiaqtalmaǧan köşedegı batpaqtan qazır aiaq alyp jüru mümkın emes, dep habarlaidy KTK arnasy.
Tūrǧyndar audan äkımın laidyŋ ortasyna şaqyryp edı, orynbasary ǧana keldı. Aşuǧa bulyqqan alǧabastyqtar sol şeneunıktı merdıger kompaniianyŋ basşysymen bırge batpaqtyŋ üstımen jürgızdı.
Baltyryna deiın batpaq jabysqan qalaǧa qaraityn yqşamaudan tūrǧyndary özderın qala tūrǧynymyz dep aituǧa ūialady. Üş jyl qatarynan aiaǧynan rezeŋke etık şeşpegen alǧabastyqtardyŋ şydamy şegıne jettı.
"Jüru mümkın emes! Mıne, aiaǧymyz, türımız! Künde jūmysqa baryp qaitudyŋ özı qiyn bop kettı! Ne sūmdyq! Şydamnyŋ da şegı bar! Bız ne ısteuımız kerek", – deidı Serıkqazy Rahmatulla.Tūrǧyndardyŋ aituynşa, bylyq şeneunıkter qūbyr salǧannan bastalǧan. Qarmen bırge qazylǧan jer de erıp, ainala adam jürgısız mi batpaqqa ainalady. Halyq talai märte äkımdıkke şaǧymdanyp barǧan. Alaida uäde bergen äkımdı sol küiı tappai qalady.
"Qūdai üşın, äkımdı emes, joldy auystyrsynşy! Äkımdı auystyryp jıberedı, boldy sonymen qalady. Jylda aitady, "oi, jasaimyz, nätije şyǧaramyz" dep. Bıraq jasalǧan jol joq", – deidı tūrǧyndardyŋ bırı Baqytbek Äsemjanov.
Äkım özı kelmei, orynbasaryn jıbergen
Batpaqqa batqan auyldyŋ jaiyn öz közımen körsın dep, alǧabastyqtar audan basşylyǧyn arnaiy kezdesuge şaqyrǧan. Alaida äkım özı kelmei, ornyna orynbasaryn jıberıptı. Al ol öz kezegınde halyqpen söilessın dep, ornyna basqa adamdy alyp kelgen."Tapsyrys beruşı osy energotiımdılık basqarmasy. Qarajatty böletın Alatau audany äkımdıgı emes, osy basqarma. Men sondyqtan osy qūzyrly mekeme jauap bersın dep şaqyrdym", – dedı Alatau audany äkımınıŋ orynbasary Bektas Säbitov.Jauapkerşılıktı bır-bırıne ysyrǧan basşylyq, aqyry batpaqqa qatysty pıkır bıldırdı. Aitularynşa, qūbyrdy salǧan boida joldy tegıstetıptı. Bıraq solai dep aituy mūŋ edı, jūrt şulap qoia berdı. Osylai dep jūrtşylyqty sendırmek bolǧan äkım orynbasary bär pälenı öz auzynan tapty. Şeneunıkterdıŋ jalǧan sözıne şydamaǧan halyq tufli men italiialyq qymbat brendtı kürte kiıp kelgen şeneunıktı batpaqtyŋ üstımen süirei jöneldı. Üstı-basy bylǧanǧan äkım orynbasary aqyry tūrǧyndardan qaşyp tyndy. Al qūbyr saluǧa tapsyrys bergen basqarma ökılderı nauryz aiynyŋ soŋyna deiın asfalt saludy bastauǧa uäde berdı. Al oǧan deiın Alǧabas tūrǧyndaryna batpaq keşıp jüre tūruyna tura keledı.
