Sheteldikterge jerdi satýǵa zań júzinde birjola tyıym salynady. Bul týraly Ulttyq qoǵamdyq senim keńesiniń 5-otyrysynda QR Prezıdenti Qasym-Jomart Toqaev aıtty, dep habarlaıdy "Adyrna" ulttyq portaly QazAqparatqa silteme jasap.
«Halqymyz úshin jer máselesi qashanda asa mańyzdy. Bul – memlekettigimizdiń berik negizi jáne qasıetti sımvoly. Qazaqtyń jeri sheteldikterge satylmaıdy dep birneshe ret aıttym. Bul máselege qatysty qaýesetterdi toqtatý qajet. Sondyqtan, men mynadaı naqty sheshimder qabyldadym. Birinshiden, sheteldikterge jáne sheteldik zańdy tulǵalarǵa aýyl sharýashylyǵy jerlerin satýǵa, jalǵa berýge zań júzinde birjola tyıym salýdy tapsyramyn.
Bul sheteldikterdiń úlesi bar zańdy tulǵalarǵa da qatysty», - dedi Qazaqstan Prezıdenti. «Men muny Prezıdenttiń zań shyǵarý bastamasy arqyly jedel túrde júzege asyrý qajet dep sheshtim. Prezıdent Ákimshiligi dál osy máselege baılanysty tıisti zań jobasyn ázirleýi kerek», - dep túıindedi Memleket basshysy.
