Ūlyqbek Esdäulet, Oljas Süleimenov, Mūrat Äuezov bastaǧan bır top ziialy qauym ökılderı, qalamgerler türmedegı aqyn Aron Atabekke araşa sūrap, prezident Qasym-Jomart Toqaevqa hat jazdy,dep habarlaidy «Adyrna» tılşısı abai.kz-ke sılteme jasap.
Būl turaly belgılı zaŋger Şynquat Baijanov özınıŋ jelıdegı paraqşasynda jazdy.
«Ūlyqbek Esdäulet myrza, Oljas Süleimenov myrza, Mūrat Äuezov myrza bastaǧan bır top qazaq maitalmandary arqaly aqyn Aron Atabekke jan sauǧa sūrap Qazaqstan prezidentı Toqaev Qasym-Jomart Kemelūlyna ötınış hat joldady. Qazaqstannyŋ barlyq ziialy qauymy qol qoiuǧa ötınış bıldırgen, bıraq, pandemiiaǧa bailanysty olardyŋ qoldaryn qoiǧyzu mümkın bolmady.
Prezident myrza! Jan sauǧa sūrau qazaq halqynyŋ ejelden kele jatqan ata salty, eger el aqsaqaldary, aqyndary ötınış jasaǧanda odan eşbır han attap ketpegen. Sız de ata saltyn saqtap, 68 jastaǧy jürek auruymen, qant diabetımen, buyn auruymen auyratyn arqaly aqynymyzdy tar qapastan şyǧaruǧa yqpal jasaidy dep senemız. Qazaq Aronynyŋ endıgı taǧdyry Sızdıŋ qolyŋyzda. Men advokat retınde zaŋǧa säikes barlyq mümkınşılıktı paidalanyp kördım, tas bauyr, zaŋǧa eşbır män bermeitın qatygez mamandar meselımdı qaitardy, jıgerımdı qūm ettı.
Asyl aǧa türmede şeiıt ketse obaly bükıl qazaq halqyna bolady, onsyz da ata-baba nalasyna qalǧan elmız, endı osy qatelıktı jıbermeiık Qasym-Jomart Kemelūly myrza!», - dep jazdy zaŋger.
Al prezident Toqaev atyna jazylǧan Aşyq hat mätınınde:
«Asa qūrmettı, Qasym-Jomart Kemelūly myrza! Sızdıŋ elımızdıŋ sarabdal saiasatyn el tynyştyǧy, yntymaq-bırlıgı, üşın köregendıkpen jürgızıp otyrǧanyŋyzdy öte joǧary baǧalaimyz. Elı men tuǧan jerı üşın qasyq qandary qalǧanşa küresken batyr tūlǧalarymyzdy qūrmetteitınıŋızdı de jaqsy bılemız.
Sözge tiek etkelı otyrǧan qazaqtyŋ dara azamaty – Aron Atabek 2006 jylǧy äigılı «Şaŋyraq» oqiǧasyn ūiymdastyrdy, kısı ölımıne sebepker boldy» degen jalǧan jalamen 18 jylǧa itjekkenge aidalyp, sottaldy. Qazaq elı tarihynda özındık qoltaŋbasy bar, iaǧni, «Qazaq memleketı» t.b. bırneşe ūiymnyŋ jetekşısı, aqyn, türkolog, Jeltoqsan köterılısınıŋ bel ortasynda jürıp, bügıngı Täuelsızdıgımız üşın küresken batyrymyz Aron Qabyşūly Atabek auyr qylmys jasaǧan qylmyskerlerge arnalǧan türmede otyrǧanyna aldaǧy jyly 15 jyl tolady.
Jan azaby öz aldyna, türmedegı qinau men azaptaudyŋ aluan türın basynan keşırgen Aron Atabektıŋ densaulyǧy bırneşe jyldan berı kürt naşarlap kettı. Jasy 70-ke taiaǧan qarttyŋ ekı qol müldem köterılmeidı, jürektıŋ işemiialyq auruy qan qysymy, büirek-ökpe, buyn aurularyna t.b. ömırıne qauıp töndıretın, türme jaǧdaiynda emdeluge kelmeitın keselderge duşar boldy.
«Közımnıŋ tırısınde qadırle menı!.. Ölgesın basyma kök tas qoiyp, qūrmettep kerek emes!», - degen eken bır qart nazalanyp... Sol aitpaqşy, halyq batyryn közı tırısınde bostandyqqa şyǧaryp, densaulynyn tüzetuge jaǧdai jasasaŋyz nūr üstıne nūr bolar edı. «Elım-qazaǧym!», - dep janyn şüberekke tüigen batyrymyzdan tas zyndanda aiyrylyp qalsaq, arymyzǧa syn bolary haq! Ūrpaq aldynda ūiatty bolmaiyq, Prezident myrza!
Sızdıŋ el bolaşaǧynyŋ yntymaq-bırlıgın saqtauşy, ūlt janaşyry, qamqorşysy retınde Aron Atabektıŋ bostandyqqa şyǧuyna kömek qolyn sozady degen zor ümıttemız», - dep jazylǧan.
Būl hatqa Ūlyqbek Esdäulet, Oljas Süileimenov, Mūrat Äuezov, Baqyt Bedelhan, Amantai Asylbek, Güljan Erǧalieva, T.Aitbai t.b. bırneşe adam qol qoiǧan.
«Adyrna» ūlttyq portaly
