Türkıstanda jekemenşık üide bes adam ölı tabyldy, dep habarlaidy «Adyrna» tılşısı oblys äkımınıŋ baspasöz qyzmetıne sılteme jasap.
2021 jyldyŋ 27 aqpan künı Türkıstan qalasyndaǧy jeke tūrǧyn üide 5 adam: 1980 jylǧy anasy jäne 2004, 2006, 2013, 2016 jyly tuǧan balalarǧa iıs tiıp qaitys bolǧan.
Otaǧasy käsıpkerlıkpen ainalysady, oqiǧa bolǧan kezde emdelu maqsatynda Şymkent qalasynda bolǧan.
Oqiǧa ornyna Ömırzaq Şökeev, Polisiia Departamentı jäne TJD bastyǧy, Türkıstan qalasynyŋ äkımı bardy. Oblys äkımı oqiǧanyŋ tergeu barysyn jeke baqylauyna alyp, qaza bolǧandardyŋ tuystary men jaqyndaryna köŋıl aitty. Otbasyna materialdyq kömek körsetudı tapsyrdy.
"Zardap şekken otbasyna qajettı psihologiialyq jäne materialdyq kömek körsetıledı. Mäsele menıŋ jeke baqylauymda. Men qaitys bolǧan otbasynyŋ tuystary men jaqyndaryna şyn jürekten köŋıl aitamyn", - dedı Ömırzaq Şökeev.Qaiǧyly oqiǧanyŋ män-jaiyn anyqtau üşın oblys äkımınıŋ bırınşı orynbasary Arman Jetpısbaievtıŋ basşylyǧymen arnaiy komissiia qūryldy.
«Adyrna» ūlttyq portaly
