Memleket basşysy Qasym-Jomart Toqaev qazaqstandyqtardy Alǧys aitu künımen qūttyqtady, dep habarlaidy «Adyrna» tılşısı Aqordaǧa sılteme jasap.
«Qūrmettı otandastar!
Sızderdı Alǧys aitu künımen şyn jürekten qūttyqtaimyn! Elbasy 2015 jyly Qazaqstan halqy Assambleiasynyŋ sessiiasynda jariialaǧan osy aituly merekenıŋ mänı tereŋ, maŋyzy erekşe.
Būl künı halqymyzdyŋ bır-bırıne özara qamqorlyǧy, myzǧymas bereke-bırlıgı men yntymaǧy keŋınen därıpteledı.
Bız osy qūndylyqtardyŋ arqasynda memlekettıgımızdı jaŋǧyrtyp, türlı syn-qaterden sürınbei öttık. Qazır Täuelsızdıgımızdıŋ 30 jyldyq belesın äleumettık-ekonomikalyq saladaǧy jäne halyqaralyq deŋgeidegı tolaǧai tabystarmen qarsy alǧaly otyrmyz.
Bügınde azamattarymyz egemen elımızdı damytuǧa, qasterlı qazaq jerındegı beibıtşılıktı, tatulyq pen kelısımdı nyǧaituǧa ölşeusız üles qosuda.
Men barşaŋyzǧa Otanymyzdyŋ örkendeuı jolynda sıŋırgen jasampaz eŋbekterıŋız üşın alǧys aitamyn.
Bız bırtūtas jäne eŋbekqor ūlt bolsaq, közdegen maqsattarymyzǧa jetemız. Bärımız bırge ädılettı qoǧam qūryp, memlekettılıgımızdı ornyqtyra tüsemız dep senemın.
Barşaŋyzǧa zor densaulyq, baq-bereke jäne mol igılık tıleimın!»– dedı ol.
«Adyrna» ūlttyq portaly
