Būl turaly QR tötenşe jaǧdailar ministrı Iýrii İlin Ortalyq kommunikasiialar qyzmetınde ötken brifingte aitty, dep habarlaidy "Adyrna" ūlttyq portaly BAQ.kz saityna sılteme jasap.
Qys kezeŋınıŋ basynan bastap respublika boiynşa 1 063 dauyldy eskertu jariialandy, respublikalyq jäne oblystyq maŋyzy bar avtojol uchaskelerı 682 ret jabyldy, jük jäne jolauşy avtokölıkterı üşın 233 ret qozǧalysqa şekteu engızıldı.
"1 240-tan asa adam qūtqarylyp, evakuasiialandy, 97 jylytu punktı jūmyldyryldy, 439 tehnika qūtqaryldy. Avariialyq-qūtqaru jūmystaryna TJM, IIM, Qazavtojoldan jäne jergelıktı atqaruşy organdardan 5 myŋnan asa adam jäne 1 396 tehnika jūmyldyryldy", - dep aitty ministr.Onyŋ sözınşe, halyqty TJ qaupı turaly eskertu maqsatynda tūrǧyndardyŋ ūialy telefondaryna aua raiynyŋ naşarlauy turaly sms-habarlama, sondai-aq «Därmen» mobildık qosymşasy arqyly da habarlama jıberıldı.
"Qazır abonentter sany ösıp keledı. Ötken jyldarmen salystyrǧanda qar qūrsauyna tüsken kölıkter sany edäuır azaidy. Jergılıktı atqaruşy organdar joldardyŋ qozǧalysyn şekteu boiynşa ülken jūmystar atqaryp jatyr. Degenmen aitylǧan faktıler boiynşa barlyq adam bırdei TJ eskertuın oryndai bermeidı. Osyndai uaqytta qūtqaruşylar jolda qalǧandardy qūtqaruǧa şyǧady", - deidı İlin.TJM ministrı atap ötkendei, ötken aptada aua raiy qūbylmady boldy. Qazırgı jaǧdai boiynşa Qazgidromet derekterı boiynşa 9 öŋırde dauyldy eskertu jariialandy. Olar Şymkent, Aqmola, ŞQO, BQO, Jambyl, Qaraǧandy, Qostanaiǧ Qyzylorda jäne Türkıstan oblystary. "Sondai-aq, 3 öŋır uchaskelerınde joldar jabyq. Qys mezgılı küntızbe boiynşa aiaqtaldy. Degenmen ortalyq Qazaqstanǧa jaŋa siklon jaqyndap keledı. Jeldıŋ küşeiuınen atalǧan öŋırlerde TJ boluy mümkın", - dedı ministr Iýrii İlin.
