Qyzylordada koronavırýs ınfekııasyna qarsy ekinshi márte vakına saldyrǵandar arasynda kópbeıindi oblystyq balalar aýrýhanasynyń 15 qyzmetkeri bar, dep habarlaıdy “Adyrna” ulttyq portaly QazAqparatqa silteme jasap.
Esterińizge sala ketelik, 22 aqpannan bastap óńirde vakınanyń ekinshi dozasyn egý bastaldy.
Oblysqa aqpan aıynyń alǵashqy kúninde «Spýtnık V» vakınasy jetkizilip, nátıjesinde 1000 adamǵa ekpe egildi. Olardyń basym bóligi - medıına qyzmetkerleri. Ekpe qabyldaǵan azamattarǵa araǵa úsh apta salyp ekinshi márte ekpe egý júrgizilýde.
Aıta keterligi, 2 naýryzǵa deıin 505 adam ekinshi márte vakına saldyrǵan bolatyn. Olardyń qataryn keshe taǵy 50 adam tolyqtyrdy.
Ekpe qabyldaǵan turǵyndar qatarynda kópbeıindi oblystyq balalar aýrýhanasynyń 15 qyzmetkeri bar. Mamandardyń aıtýynsha, bul jolǵy ekpe aldyńǵy vakınanyń áserin kúsheıtedi.
«Álemdi koronavırýs ınfekııasynan qorǵaný - basty mindetimiz. Qaterli indetti saqtyq sharalaryn tolyqqandy jasaǵanda ǵana jeńe alamyz», - dedi aýrýhana bas dárigeriniń orynbasary Sáýlebek Ysqaqov.
Onyń aıtýynsha, vakına aǵzadaǵy qorǵanys qabiletin arttyrady. Ol aýrýdyń aldyn alýǵa septigin tıgizedi.
«Ózim erikti túrde 1 aqpanda ekpe qabyldadym. Arada úsh aptadaı ýaqyt ótti. Ekpeniń esh keri áserin baıqaǵan joqpyn. Sol sebepti ekpeniń ekinshi kezeńinen óttim», - dedi aýrýhananyń bas meıirbıkesi Zabıra Almýrzaeva.
