Alpys jastaǧy Jarylqasyn Amanov «tegın taksi jürgızuşısı» laqap atymen tanymal. Qaiyrymdy jan bügınde bıraz adamnyŋ alǧysyn alyp ülgergen. «Adyrna» tılşısı elorda tūrǧynymen äŋgımelesıp, sūhbat qūrdy.
Üirenşıktı ädetımızge ainaldy
– "Äzıret Sūltan" meşıtınde 5 jyl ıs basqaruşy bolyp jūmys ıstedım. Äkemnıŋ özı sadaqa bergendı jaqsy köretın. Karantin kezınde bıraz halyqtyŋ azyq-tülıgı bolmai, qinalyp qaldy. Tıptı qarapaiym betperdenı taba almaǧandary da bar. Sondai kezeŋde kempırım ekeumız aq däkeden betperde tıgıp, az da bolsa kömegımızdı tigızuge tyrystyq. Keiınnen balalarymnyŋ järdemımen tegın nan tarattyq. Osylaişa tegın kölık jürgızuşısı bolu ideiasy da düniege keldı. Qazırgı taŋda qaiyrymdylyq jasau bızdıŋ üirenşıktı ädetımızge ainalyp kettı.Nömırım taralyp kettı
– Alǧaşqy kezde dalaǧa şyǧyp, jaurap tūrǧan adamdarǧa «tegın aparyp tastaiyn» degen ūsynysty aitatynmyn. Özderıŋız bılesızder, qyz mezgılınde bır jaqqa qatynau qiyn. Keiınnen körşı-qolaŋdardan nömırımdı taratudy ötındım. Sodan maǧan qoŋyraular tüse bastady. Köbınese ülken kısıler, mümkındıgı şekteulı jandar, jalǧyzbasty analar kömek sūraidy. Qazırgı taŋda bailanys nömırım tıptı keŋ taralyp ketken. «Poiyzdan jaŋa ǧana tüstım, taksige aqşam bolmai tūr» dep habarlasatyndar da bar. Men kün demei, tün demei ötınışterın oryndauǧa tyrysamyn. Eşqaşan kölıgıme mıngen adamnan aqşa almaimyn. Keide ornyma balalarym barady.Tegın taksiden qorqady
– 5-6 jyl taksi jürgızuşısı boldym. Otbasym renjıp, «būl jūmysyŋdy qoi» deuşı edı. Bügınde barlyǧy maǧan dän riza. Özderı de pälenşe bar edı ǧoi, tügenşe bar edı ǧoi dep kömekke zäru jandardy aityp otyrady. Äiel adamdar köp şaqyrǧan kezde qasyma kempırımdı erte baramyn. Ol kısı sol jandarmen tanysyp, riza bop qalady. Şyny kerek, qazır köbı «tegın taksi» degennen qorqady. «Jaman adam şyǧar», «bır jaqqa aldap aparyp, öltırıp keter» dep sezıktenedı. Osyndai küdıkten aryltu üşın de qasyma jūbaiymdy alyp jüremın.Neşe türlı adam jolyǧady
– Negızı köp keşıkpeitın adammyn, alaida keide bes minutqa bögelıp qalatyn sätter bolady. Sondai kezderde aqysyz aparatynymdy bıle tūra «nege keşıgıp keldıŋ?» degen syndy dörekı sözderdı aitatyn adamdardy jolyqtyrdym. Men būndai dünielerdıŋ bolaryn aldyn ala bılıp, daiyndalǧan adammyn. Ötırık şaqyratyndary taǧy bar. Jolda kezdeisoq jolyǧyp, alyp bara jatqan kezımde «tegın bolsa barmaimyn» dep tüsıp qalǧandar da boldy.Jūmysym özıme ūnaidy
– Ärkımnıŋ özındık hobbiı bar. Adam süigen ısımen ainalyssa, eşqaşanda şarşamaidy. Qazırgı jūmysym özıme ūnaidy. Adamdarmen tıldesıp, rahattanyp qalamyn. Olarǧa motivasiia beruge tyrysamyn.Äŋgımelesken Diana ASAN,
«Adyrna» ūlttyq portaly
