Qazaqstan Respublikasy Premer-ministrınıŋ orynbasary E. L. Toǧjanovqa deputattyq saual
Qūrmettı Eraly Lūqpanūly!
Biyl 30 jyldyǧy atalyp ötetın Qazaq Elı Täuelsızdıgı jolyndaǧy ǧasyrlar boiǧy janqiiarlyq küresterdıŋ ışınde Alaşordanyŋ orny airyqşa! Orta Aziiada alǧaşqy zamanaui saiasi partiia qūryp, Alaşorda avtonomiiasyn jariialaǧan Alaş arystary Azattyq jolyndaǧy ūly küreste ūlt bolaşaǧy üşın sanaly türde qūrbandyqqa bara bıluımen qandai qūrmetke de laiyqty.
Basty Ūrany - Jerdı satpau, Eldı saqtau,Tıldı saqtau bolǧan Alaş arystaryn ūlyqtaudy Prezidentı Toqaev «Täuelsızdık bärınen qymbat» atty baǧdarlamalyq maqalasynda bastap berdı: "Bız kezınde elge qyzmet etudıŋ ozyq ülgısın körsetken Alaş qairatkerlerınen taǧylym alamyz. Olar ötken ǧasyrdyŋ basynda Täuelsızdık ideialaryn halyq arasynda därıpteuge zor eŋbek sıŋırıp, azattyq jolynda qūrban boldy.Täuelsızdıgımızdıŋ mereitoiy aiasynda osyndai bırtuar tūlǧalardy eske alyp, olardyŋ mūrasyn jastarymyzǧa jäne bükıl älemge paş etuımız kerek" – dep, atap körsettı. Sonymen qatar Täuelsızdıktıŋ 30 jyldyǧyn merekeleu jönındegı komissiianyŋ memlekettık deŋgeidegı ıs-şaralar qatarynda Alaş kösemı Älihan Bökeihannyŋ 155 jyldyǧy da bar ekenı köŋılge quanyş ūialatady. Sondai-aq, Qaraǧandy qalasynyŋ Oktiabr audanyna Älihan Bökeihannyŋ atyn beru jönındegı şeşımdı halyq zor quanyşpen qarsy aldy. Soŋǧy kezde Alaş taqyryby el arasynda keŋ tarala bastaǧany öte quanyşty tendensiia. El täuelsızdıgı jolynda janyn pida etken Alaş qairatkerlerınıŋ asqaq ruhyn qasterlep, este qaldyru şaralary (köşelerge, mektepterge, eldı mekenderge esımderın beru, eskertkışter qoiu, t.b.) elorda men öŋırlerde tiıstı därejede jüzege asuy qajet. Alaida, Alaş dese qarapaiym köpşılıktıŋ esıne tek Alaşorda ükımetınıŋ körnektı kösemderı Älihan Bökeihan, Ahmet Baitūrsynūly, Mırjaqyp Dulatūly sekıldı bırneşe tūlǧanyŋ esımderı ǧana keledı. Şyn mänınde būl tızım äldeqaida auqymdy. Elımızdıŋ tükpır-tükpırındegı Alaş ūstanymyn nasihattaǧan, sol üşın qūrban bolǧan jergılıktı Alaş qozǧalysy qairatkerlerınıŋ erlıkterı eskerılmei, esımderı älıge deiın belgısız bolyp otyrǧany ökınıştı. Būlardyŋ bärı Täuelsız Qazaq Elı üşın qūrban bolǧandar! "Äruaq riza bolmai, tırı baiymaidy" degen dana halqymyzdyŋ sözın ūmytuǧa bolmaidy. Sol sebepten, 2019 jyly «Aq jol» partiiasynyŋ töraǧasy Azat Peruaşev «Alaş» institutymen bırlesıp, būryn belgısız bolyp kelgen 700-den astam tūlǧany qūraityn jergılıktı Alaş qairatkerlerınıŋ tızımın daiyndady. Alaştanuşy ǧalymdardyŋ zertteulerınıŋ negızınde jasalǧan tızımge köpşılık qauymǧa esımderı ūmyt bolǧan är öŋırdıŋ jergılıktı Alaş qairatkerlerı engızıldı. Ärbır oblys, qala äkımderıne sol jerge qatysy bar, sol jerden şyqqan Alaşşyl azamattardyŋ tızımı jıberılıp, olardyŋ attaryn jergılıktı jerdegı köşe, mektep, t.b. nysandar ataularyna berudı ūsynǧan bolatynbyz. Alaida, alynǧan jauaptar köŋılge qonbaidy. Köbınese jauaptar jaltarma sipatta, būǧan deiın Alaştyŋ el auzyndaǧy jiyrma şaqty tanymal basşylarynyŋ esımderın ataumen ǧana şektelgen. Sonda bızdıŋ şeneunıkter Alaş ideiasyn bükıl qazaqty oiatatyn, bırıktıretıŋ ūran emes, keibır jekelegen adamdardyŋ közqarasy ǧana dep körsetkısı keletın siiaqty. «Aq jol» partiiasy, ärine, būndai kertartpa ärekettermen kelıse almaidy. Mysaly, bız Şyǧys Qazaqstan oblysy äkımdıgınıŋ özıne ǧana Alaş armany üşın aiqasqan 125 adamnyŋ tızımın jıberdık! Atap aitsaq, Tūraǧūl Abaiūly, Biahmet Särsenov, Hamit Toqtamysov, Jahabai Ätıkūly, Jūbandyq Bolǧanbaiūly jäne tb. Olardyŋ barlyǧy elımızdıŋ azattyǧy üşın öz ömırlerıŋ sanaly türde qūrban ettı. Osy 125 batyrdan bır adamnyŋ aty eskerıldı me? Joq. Eŋ ökınıştısı - osyndai jaǧdai barlyq oblystar men qalalarda da qalyptasyp otyr. Būndai ädıletsızdıktı bız ülken saiasi qatelık dep sanaimyz. Oǧan joǧaryda atalyp ketken memleket basşysynyŋ maqalasy da naqty dälel. Jalpy, bızde memleket tarapynan bekıtılgen tızım bar, soǧan engen tūlǧalar ǧana älgıdei qūrmetke ie bola alady. Ol tızımge köp Alaş qairatkerlerı kırmegen. Prezidenttıŋ atalmyş maqalasyndaǧy Alaş turaly talapty eskere otyryp, sol memlekettık arnaiy tızımdı qaita qarau kerek. Bızge endı Täuelsızdıktıŋ 30 jylyynda Ruhani jaŋǧyru baǧytyndaǧy memlekettık müdde men ūlttyq ideologiia talap etetın syndarly saiasat pen naqty ıs-äreket qajet. Sol sebepten, «Aq jol» partiiasy, Täuelsızdıgımızdıŋ 30 jyldyq mereitoiynyŋ qarsaŋynda, Alaş qairatkerlerınıŋ qasiettı esımderın mäŋgılık este saqtap, onomastika tūrǧysynda qoldanu üşın atalǧan tızımdı Ükımetke jıberıp otyrmyz. Osyǧan bailanysty, «Aq jol» fraksiiasynyŋ deputattary, 2019 jyly bız joldaǧan hattardy jergılıktı äkımdıkterge qaita köterudı tapsyryp, Alaş kösemderımen bırge myŋdaǧan jergılıktı Alaş qairatkerlerınıŋ qasiettı esımderın ūlyqtau şaralaryn baqylauǧa aluyŋyzdy sūraidy. Qūrmetpen, «Aq jol» fraksiiasynyŋ deputattary https://www.facebook.com/100001908576595/posts/5139186459488256/?d=n
