Memleket Basşysy Qasym-Jomart Toqaevtyŋ Jarlyǧyna säikes elımızdıŋ 2025 jylǧa deiıngı damuynyŋ ūlttyq jospary bekıtıldı, dep habarlaidy «Adyrna» tılşısı ūlttyq ekonomika ministrlıgınıŋ resmi saityna sılteme jasap.
Eldıŋ 2025 jylǧa deiıngı damuynyŋ ūlttyq josparynda jaŋa ekonomikalyq baǧytymyzdyŋ negızgı mındetterı men parametrlerı aiqyndalǧan. Qūjatta asa maŋyzdy salalardy damytu jönındegı strategiialyq paiym, koronadaǧdarys saldaryn jūmsartuǧa jäne jaŋa ekonomikalyq naqtylyq pen aǧymdaǧy jahandyq ürdıster jaǧdaiynda ekonomikanyŋ ornyqty, inkliuzivtı jäne sapaly damuyn qamtamasyz etuge baǧyttalǧan negızgı saiasatty jetıldıru jönındegı baǧdarlar körsetılgen.
Atalǧan qūjat QR Prezidentı Qasym-Jomart Toqaevtyŋ tapsyrmasy boiynşa Ūlttyq ekonomika ministrlıgı Strategiialyq josparlau jäne reformalar agenttıgımen bırlesıp äzırlendı.
Jospar halyqtyŋ ömır süru sapasy men äl-auqatyn arttyruǧa baǧyttalǧan tübegeilı institusionaldyq jäne salalyq reformalar üşın negız qalaidy.
Naqty strategiialyq körsetkışterdıŋ egjei-tegjeilı kartasy ūlttyq jospardyŋ ajyramas bölıgı bolyp tabylady, oǧan qol jetkızu üşın ekonomikanyŋ özındık jetkılıktılıgın arttyru, ärtaraptandyru, investisiialardy targettelgen tartu, eksportty belsendı ılgerıletu, jeke käsıpkerlıktı qoldau jäne keşendı damytu arqyly onyŋ jaŋa qūrylymyn qalyptastyru boiynşa naqty şaralar qabyldanady.
Densaulyq saqtau men bılım beru qyzmetterın jaqsartuǧa, infraqūrylymdy damytuǧa, nätijelı jūmyspen qamtuǧa jäne halyqtyŋ äleumettık äl-auqatyn arttyruǧa erekşe nazar audarylatyn bolady.
Sondai-aq, Memleket basşysy Memlekettık josparlau jüiesınıŋ jaŋa qūraly bolyp tabylatyn «Qazaqstan Respublikasynyŋ 2025 jylǧa deiıngı jalpyūlttyq basymdyqtary turaly» Jarlyqqa qol qoidy.
Jalpyūlttyq basymdyqtar (JŪB) üş tüiındı baǧyt boiynşa 10 naqty mındettı bıldıredı: azamattardyŋ äl-auqaty, instituttardyŋ sapasy jäne küştı ekonomika qūru.
Äŋgıme jaqyn keleşekte reformalar jüzege asyrylatyn on baǧyt turaly bolyp otyr: ädıl äleumettık saiasat, densaulyq saqtaudyŋ qoljetımdı jäne tiımdı jüiesı, sapaly bılım beru, azamattardyŋ müddelerın qorǧauǧa arnalǧan ädıl jäne tiımdı memleket, memlekettık basqarudyŋ jaŋa modelı, patriotizm qūndylyqtaryn därıpteu, ūlttyq qauıpsızdıktı nyǧaitu, ärtaraptandyrylǧan innovasiialyq ekonomika qūru, ekonomikalyq jäne sauda diplomatiiasyn belsendı damytu jäne teŋgerımdı aumaqtyq damu.
Ūlttyq damu josparynyŋ jäne jalpyūlttyq basymdyqtardyŋ barlyq indikatorlary bükıl memlekettık apparat jūmysynyŋ özektı baǧyttaryn aiqyndaidy. Körsetılgen strategiialyq qūjattardy ıske asyru qazırgı kezeŋnıŋ syn-qaterlerın eŋseruge baǧyttalǧan jäne ortamerzımdık perspektivada eldıŋ halyqtyŋ ömır süru sapasy men tabysynyŋ naqty ösuımen qatar jüretın ornyqty jäne sapaly ekonomikalyq ösu traektoriiasyna şyǧuyn qamtamasyz etuge arnalǧan.
«Adyrna» ūlttyq portaly
