Deputat Amanjan Jamalov Mäjılıstıŋ jalpy otyrysynda Äleumettık medisinalyq saqtandyru qorynyŋ äkımşılık şyǧystary turaly mälımetpen bölıstı, dep habarlaidy «Adyrna» tılşısı «Qazaqstan» Ūlttyq arnasyna sılteme jasap.
«Qazır biudjetten tys qorlardyŋ şyǧyndary Parlament pen Esep komitetınıŋ baqylauynan tys qalyp otyr. Mäselen, 2019 jyly Äleumettık medisinalyq saqtandyru qorynyŋ äkımşılık şyǧystary 5,8 mlrd teŋgeden asqan. Jalaqy töleuge 4,4 mlrd teŋge jūmsalǧan. Eger qordyŋ barlyq 850 qyzmetkerıne bölsek, ärqaisysyna aiyna 434 myŋ teŋgeden keledı. Būl eldegı ortaşa jalaqydan ekı ese joǧary. Eger ÄMSQ-nyŋ qoljetımdı qarjylyq esebın zertteitın bolsaq, qor basqarmasynyŋ tört müşesıne şamamen 77 mln teŋge somasynda, iaǧni ärqaisysyna 19 mln teŋgeden syiaqy tölengen», - dedı deputat.Jamalov mūndai şekten tys şyǧystarǧa jol berılmeu kerektıgın aityp, Ükımetke deputattyq saual joldady. Ol biudjetten tys qorlardyŋ şyǧystary turaly aqparat barynşa aşyq bolu üşın arnaiy standarttar bekıtılu kerektıgın, onda eŋbekaqy men äkımşılık şyǧystardyŋ barlyq baptary anyq körsetıluı tiıs ekenın aitty.
«Adyrna» ūlttyq portaly
