«Qytai bilıgı Şyǧys Türkıstandaǧy qazaqtarǧa jasaǧan genosidın Almatyda da jalǧastyryp jatyr», dep jazady Auyt Mūqibek.Qytai konsuldyǧy olar otyrǧan jerge qūrylǧylar ornatyp, jaǧymsyz dybystar jıberıp, onsyzda jūqaryp ketken jüikelerıne tiiude. İnternet jelısın būǧattaityn qūrylǧy qoiyp, qūqyqtaryn taptauda.
Qoǧam belsendısı ärı Prezident janyndaǧy Ūlttyq qoǧamdyq senım keŋestıŋ müşesı Auyt Mūqibek özınıŋ facebook paraqşasynda qazaq-qytai mäselesıne qatysty alaŋdauşylyq bıldırıp post jazdy, dep habarlaidy Skifnews.kz aqparat portaly.
Onyŋ aituynşa, bıraz adam Almatydaǧy Qytai konsuldyǧynyŋ aldynda bır aidan berı qamauǧa alynǧan tuystaryn bosatudy sūrap, narazylyq şeruın ötkızıp jatyr. Alaida qytai elşılıgı narazylardyŋ sözın tyŋdaǧannyŋ ornyna är türlı qūrylǧylar ornatyp, jaǧymsyz dybystar jıberıp, onsyzda jūqaryp ketken jüikelerıne tiiude.
«Prezident Qasym-Jomart Toqaevtyŋ nazaryna!
Qytai bilıgı jaǧynan Şyǧys Türkıstandaǧy jazyqsyz sottalǧan, üi qamaǧyna alynǧan jäne Qazaqstandaǧy tuystaryna qosyluyna türlı kedergıler jasalyp otyrǧan etnikalyq qazaqtardyŋ Qazaqstandaǧy bır top jaqyn tuystarynyŋ olardy joqtap, Almatydaǧy Qytai konsuldyǧynyŋ aldynda narazylyq tanytyp jatqanyna bır aiǧa juyqtady.
Narazylyq aksiiasyn ötkızıp jatqan azamattardyŋ basym bölıgı analar. Olardyŋ aldy jetpıs jastan asyp ketken äjerler eken. Köbınıŋ asyrauşysy Qytai qysymyna ūşyrap, jazyqsyz jazaǧa tartylǧandyǧy sebeptı, olardyŋ äleumettık jaǧdai da naşarlap ketkenı aityluda. Aua araiynyŋ qolaisyzdyǧyna bailanysty, qatty azap tartuda», - dep atap ötken ol özınıŋ facebook paraqşasynda.
Sonymen qatar ol qytai elşılıgı narazylardyŋ sözın tyŋdaǧannyŋ ornyna är türlı qūrylǧylar ornatyp, jaǧymsyz dybystar jıberıp, onsyzda jūqaryp ketken jüikelerıne tiıp jatqanyn aitqan.
«Odan da soraqysy, Qytai konsuldyǧy olar otyrǧan jerge qūrylǧylar ornatyp, jaǧymsyz dybystar jıberıp, onsyzda jūqaryp ketken jüikelerıne tiiude. İnternet jelısın būǧattaityn qūrylǧy qoiyp, qūqyqtaryn taptauda. İnternet bailanysyn tosuǧa arnalǧan qūrylǧydan taralatyn elektromagnittık interferensiia olardyŋ densaulyǧyna orasan zor nūqsan keltırude. Sonyŋ äserınen, soŋǧy künderı narazylyqqa şyqqan analar esınen tanyp qūlai bastaǧany belgılı boldy. Qysqasy tuystarynan tırı aiyrylǧan qazaqstandyq qandastarymyzdyŋ ömırıne de qauıp töne bastady.Mūndai qūrylǧylar men jüikege tietın jaǧymsyz, şuy köp dybystardyŋ Şyŋjaŋdaǧy atalmyş «Saiasi üirenu» deitın lagerde otyryp şyqqan qandastarymyzdyŋ bärı aityp kelgenı belgılı. Demek, Qytai bilıgı Şyǧys Türkıstandaǧy qazaqtarǧa jasaǧan genosittı strategiialyq ärıptes, tatu körşı, mäŋgılık dos el Qazaqstan Respublikasynyŋ Almaty qalasynda da jalǧastyryp jatyr! Asa märtebelı Qasym-Jomart Kemelūly! Būl jaǧdai bızdı qatty alaŋdatuda. Bızdı ǧana emes, halyqaralyq adam qūqytaryn qorǧau ūiymdarynyŋ da tynyşyn ketırude. Tek, ünsız otyrǧan Qazaq ükımetı ǧana sekıldı bolyp sezılude maǧan. Osy mäselege bailanysty, Sızden, Bırınşı, batyl qadamdar jasap, Qytai bilıgımen kelıse otyryp, būl mäselenı şeşudı, kerek bolsa, ekı eldıŋ türlı jaqtardaǧy bailanysyn üze tūrudy; Ekınşı, Qytai konsuldyǧy aldynda aiǧa juyq tūrǧan analarǧa äleumettık, medisinalyq jäne psihologiialyk jaqtan järdem beretın Ükımettık deŋgeide kömek beru paketın daiyndauǧa yqpal etuıŋızdı sūraimyn», - dep atap ötken jazba avtory.
