Senat deputaty Dinar Nüketaeva Qazaqstandaǧy aralas tıldı mektepterdıŋ köbeigenın aityp, bolaşaqta qazaq tılınıŋ taǧdyry qalai bolady dep alaŋdady.
«Elımızde kündızgı jalpy bılım beretın mektepterdıŋ sany – 6973. Oquşylardyŋ sany – 3 mln 250 myŋ. Onyŋ ışınde qazaq tılınde oqytatyn 3726 mektep, orys tılınde oqytatyn 1181 mektep, aralas tılde oqytatyn 2043 mektep bar.
Basqa tılde oqytatyn 23 mektep bar: onyŋ ışınde 12 mektep – özbek tılınde, 11 mektep – ūiǧyr tılınde. Iаǧni, aralas tıldı mektepter jalpy mektep sanynyŋ 30%-ǧa juyǧyn qūrap otyr. Būl älemde eşbır elde kezdespeitın, tek qana Qazaqstanda bar jaǧdai. Būl ürdıs odan ary da jalǧasa beretın bolsa, odan keiın qazaq tılınıŋ taǧdyry, el taǧdyry qalai bolatynyn eşkım boljap aita almaidy», – dedı Senat deputaty Dinar Nüketaeva.
Qazaqstanda aralas tıldı mektepterde bılım alatyn oquşylar sany soŋǧy 5 jylda aitarlyqtai ösken.
«Elımızdegı aralas tıldı mektepterdıŋ soŋǧy 5 jyldaǧy jaǧdaiyna qarasaq, 2016 jyly – 2045 mektep, 2017 jyly – 2037 mektep, 2018 jyly – 2046 mektep, 2019 jyly – 2054 mektep bolǧan.
Al 2020 jyly aralas tıldı 2043 mektep jūmys ıstep, onda 1 393 727 oquşy bılım alyp jatyr. Demek, 2016 jylmen salystyrǧanda, osyndai mektepterde oqityndardyŋ ösu tendensiiasy jyl saiyn üdei tüsıp, olardyŋ sany 196 715 oquşyǧa deiın artqan», – dep naqtylady senator.
