Almaty maŋynda «Nūr-Sūltan - Almaty» baǧyty boiynşa ūşyp kelgen QR ŪQK-ne tiesılı AN-26 ūşaǧy qūlady, dep habarlaidy «Adyrna» tılşısı.
Aldyn ala mälımet boiynşa, äskeri ūşaq apatynan 4 adam qaza tauyp, 2 adam zardap şekken. Qazırgı taŋda ūşaqtyŋ örtı auyzdyqtaldy.
Memleket basşysy Twitter jelısındegı paraqşasynda qaza bolǧandardyŋ tuystary men jaqyndaryna köŋıl aitty.
«Almaty äuejaiynda apatqa ūşyraǧan ūşaqta qaza bolǧan äskeri qyzmetkerlerdıŋ tuystary men jaqyndaryna köŋıl aitamyn. Jaraqat alǧandardyŋ tezırek sauyǧyp ketuın tıleimın. Menıŋ tapsyrmam boiynşa äue apatynyŋ sebepterın anyqtau jūmystary bastaldy. Būndai oqys oqiǧalar qaitalanbauy kerek»,- dedı ol.
«Adyrna» ūlttyq portaly
