Kamaljan Nadyrov QR Densaulyq saqtaudy damytu respublikalyq ortalyǧynyŋ Basqarma Töraǧasy bolyp taǧaiyndaldy, dep habarlaidy «Adyrna» tılşısı ministrlıktıŋ baspasöz qyzmetıne sılteme jasap.
Nadyrov Kamaljan Talǧatūly 1983 jyly 27 aqpanda düniege kelgen. Ekı joǧary bılımı bar – medisinalyq jäne ekonomikalyq.
S.D. Asfendiiarov atyndaǧy qazaq memlekettık medisina universitetın , Tūran universitetı, Qoǧamdyq densaulyq saqtau joǧary mektebın bıtırgen. Duke University, «The Fuqua School of Business» (AQŞ), Parkway College» (Singapur), «Florence Nightingale» (Türkiia) klinikalar tobynda, «Oxford» Social Health Insurance system» (Germaniia) bılım aldy. «Qoǧamdyq densaulyq saqtau» (MVA) mamandyǧy boiynşa ıskerlık äkımşılendıru magistrı jäne «Biznes äkımşılendıru» (EMBA) mamandyǧy boiynşa ıskerlık äkımşılendıru magistrı.
2007 jyldan 2014 jylǧa deiın B.U.Jarbosynov atyndaǧy Urologiia ǧylymi ortalyǧynda klinikalyq ordinator, bölım meŋgeruşısı, bas direktordyŋ orynbasary bolyp jūmys ıstedı. 2016 jyldan 2017 jylǧa deiın Respublikalyq diagnostikalyq ortalyqty basqardy — «University Medical Center» filialynyŋ direktory boldy. 2017-2018 jyldary Astana qalasynyŋ densaulyq saqtau basqarmasyn, 2019 jyldyŋ nauryz aiyna deiın Astana qalasynyŋ qoǧamdyq densaulyq saqtau basqarmasyn basqardy. 2019 jyldan 2020 jylǧa deiın QR Densaulyq saqtau vise-ministrı qyzmetın atqardy, 2020 jylǧy mausym-qazan aralyǧynda Almaty Qoǧamdyq densaulyq basqarmasynyŋ basşysy boldy.
«Adyrna» ūlttyq portaly
