Almaty qalasynyŋ bas memlekettık sanitarlyq därıgerı Jandarbek Bekşin Almaty qandai jaǧdaida tolyqtai karantinge jabylatynyn aitty, dep habarlaidy "Adyrna" ūlttyq portaly QazAqparat saityna sılteme jasap.
Jandarbek Bekşin şekteu şaralaryn jalǧastyru kerektıgın basa aitty.
«Bügınde bızde 3400 tösek-oryn bar, olardyŋ jüktemesı 40 paiyzdan aspaidy. Sonymen qatar, 7 myŋ rezerv tösek bar, bıraq rezervter de tausyluy mümkın. Auruhanaǧa täulıgıne 5000 adam jatqyzylsa, onda bır inkubasiialyq kezeŋ ışınde barlyq tösek-oryndardy tolyǧymen alamyz. Būǧan jol beruge bolmaidy. Eger künıne 300 nauqas jatqyzylsa da, qala lokdaunǧa jabylady. Uaqtyly şaralar qabyldamasaq, onda, ärine, barlyǧyn tolyǧymen jauyp, toqtatuǧa tura keledı. Bızdıŋ mındetımız - būǧan jol bermeu», - dedı ol ZOOM konferensiiasy barysynda.Esterıŋızde bolsa, Almaty 10 nauryz künı "qyzyl aimaqqa" engen bolatyn. 13 nauryzda qalada karantin rejimı küşeitıldı.
