Jeksenbı, 21 nauryz künı elordada lokdaun engızıledı, dep habarlady äkımdıktıŋ baspasöz qyzmetı.
Mūndai şeşımge Nūr-Sūltan qalasynyŋ koronavirus taraluy boiynşa "qyzyl aimaqqa" enuı sebep bolǧan.
"Jeksenbıde sauda oiyn-sauyq ortalyqtary, sauda üilerı, sauda ortalyqtary(olarda ornalasqan därıhanalardy, sondai-aq tamaq önımderı men bırınşı kezekte qajettı zattardy satatyn jäne ornalasqan jerıne qaramastan qyzmetıne rūqsat etılgen obektılerdı qospaǧanda), jabyq azyq-tülık emes bazarlar, azyq-tülık emes tauar satatyn nysandar, jabyq sport obektılerı, HQO, "Qazpoşta" AQ sekıldı mekemelerdıŋ jūmys ısteuıne tyiym salynady", - delıngen aqparatta.Sondai-aq, dezinfeksiialyq jūmystar jürgızıluıne bailanysty jeksenbı künı qoǧamdyq kölıktıŋ jūmysy toqtatylady. Senbı jäne jeksenbı künderı fitnes-ortalyqtardyŋ, fitnes-klubtardyŋ, sporttyq-sauyqtyru obektılerınıŋ, saunalardyŋ, SPA-ortalyqtardyŋ ("sary aimaq" talaby qoldanylatyn "Ashyq" pilottyq jobasyna qatysatyn obektılerdı qospaǧanda) jūmysyna tyiym salynady. "Qaladaǧy epidemiologiialyq jaǧdai tūraqsyz. Ötken mereke künderınen keiın koronavirus infeksiiasyn jūqtyruşylar sany kürt köbeidı. Osyǧan bailanysty qosymşa karantindık şekteulerı bar qauly 18 nauryzdan bastap qoldanysqa engızıledı", - dedı Nūr-Sūltan qalasynyŋ bas memlekettık sanitarlyq därıgerı Sarhat Beisenova. Onyŋ aituynşa, ındettıŋ örşuıne jol bermeu kerek. Sondyqtan Nauryz meiramyna orai būqaralyq ıs-şaralar ötkızuge tyiym salynady.
"Medisinalyq ūiymdar men medisina qyzmetkerlerıne şamadan tys jükteme bolmas üşın qataŋ sanitarlyq normalar saqtaluy qajet, iaǧni betperde taǧyp, äleumettık qaşyqtyqty saqtau kerek", - dedı ol.18 nauryzdan bastap qoǧamdyq tamaqtanu nysandarynyŋ (meiramhanalar, dämhanalar, barlar, ashanalar) jūmys uaqyty saǧat 07:00-den 22:00-ge deiın qysqarady. Sondai-aq 18 nauryzdan bastap kinoteatrlar men kinorumdardyŋ jūmysyna tyiym salynady.
