"Mūsylmandardy batys qyryp jatyr" degendı jiı estimız. Bıraq tek batys qana ma? Soŋǧy 20 jyldyqta mūsylmandarǧa Saud Arabiiasy, Katar, BAÄ, İran siiaqty qyrǧyn salǧandar az-au.
Äsırese Saudiia. Taiau Şyǧystaǧy köptegen terrorlyq toptardy qarjylandyrady, Liviiadaǧy soǧysqa tıkelei qatysyp, Kaddafi jasaǧyn talqandauǧa jäne özın öltıruge baryn saldy. İrak, Siriia soǧysynda sodyrlardy qarjylandyryp keledı. Soŋǧy 7 jylda körşı Iemenge basyp kırıp, ondaǧan myŋ balany, kempır-şaldy öltırdı. 5 mln iemendık aştan öleiın dep otyr. Siriiadan bırde-bır bosqyndy qabyldamady, kömekke qarjy bölmedı. Üş arab elı men bır parsy elı Taiau Şyǧysta naǧyz dıni qaqtyǧystardy jasauda. Milliondar öldı, ondaǧan milliondar bosyp kettı. Bıreuı AQŞ pen Batystyŋ qaruyn quana satyp alady, endı bırı Qytai men Reseidıŋ qaruyn qūşaqtap otyr. Bır qyzyǧy būl törteuınıŋ territoriiasynda soŋǧy 20 jyldyqta soǧys bolǧan emes. Öz soǧystaryn özgelerdıŋ aimaǧynda jürgızedı.
Şyndyǧyna kelgende osy törteuınıŋ mūsylmandarǧa tükırgenı bar. Būlardyŋ "mūsylman mūsylmanǧa bauyr, bır-bırın qoldauy, qorǧauy tiıs" dep künde ūrandaityn, halqy soǧan şynaiy senetın sözderı partiialardyŋ sailaualdy nauqanyndaǧy uädelerı siiaqty. Oryndalmaidy, qūr söz. Taiau Şyǧystaǧy dınnıŋ saiasilanyp ketkenı sonşalyq, onda "adam ömırınıŋ qūny", "jazyqsyz bır adamdy öltıru - küllı älemdı öltırumen teŋ" degen İslamnyŋ eŋ keremet nasihatynyŋ jūrnaǧy da qalmady. Soǧan qaramastan bızdegı bıraz adam būlarǧa nege sonşa senedı? Keide maǧan şynaiy İslam bır-bırın qyryp jatqan arabtyŋ qūmynda emes, kie, obal, sauap, kesapat degendı älı ūmytpaǧan, bıletın türkınıŋ dalasynda ǧana qalǧandai körınedı. Mümkın qatelesermın.
Ashat QASENǦALİ
"Adyrna" ūlttyq portaly
Ūqsas jaŋalyqtar
