Bügın Ükımet otyrysynda Densaulyq saqtau ministrı Aleksei Soi koronavirus infeksiiasynan bölek, elımızdegı özge de jūqpaly aurular boiynşa epidemiologiialyq jaǧdai jaily baiandady. Sondai-aq, tūmau men vaksinasiia da söz boldy, dep habarlaidy «Adyrna» tılşısı DSM-nıŋ baspasöz qyzmetıne sılteme jasap.
A.Soidyŋ aituynşa, koronavirus infeksiiasyn qospaǧanda, jalpy Qazaqstanda jūqpaly aurularǧa qatysty epidemiologiialyq ahual tūraqty. Ministrlık 64 infeksiialyq auru boiynşa monitoring jürgızude, 2020 jyldyŋ qorytyndysyna säikes 42 infeksiia boiynşa nauqas sany azaidy.
«Biyl oba, tyrysqaq, ış süzegı, qūtyru, tuliaremiia, kuongo-qyrym gemorragiialyq qyzbasy, difteriia, sırespe, qyzamyq, qyzylşa, sıbır jarasy, bezgek aurulary tırkelgen joq», - dedı A.Soi.Ötken jyldyŋ osy kezeŋımen salystyrǧanda 45 infeksiialyq auru, onyŋ ışınde kökjötel (22 ese), botulizm (6,5 ese), meningokokk infeksiiasy (6 ese), virustyq gepatit (4,7 ese), bakteriialyq dizenteriia (2 ese), brusellez (49%), tuberkulez (25%) boiynşa syrqattanǧandar sany azaiǧan. Sonymen qatar, Qazaqstan aumaǧynda oba, tuliaremiia, gemorragiialyq qyzba (KQGQ, BSGQ), küidırgı jäne basqa da zoonozdyq infeksiialardyŋ tabiǧi oşaǧy bar. Elımızde asa qauıptı jūqpaly aurulardyŋ tabiǧi oşaǧynŋ aumaǧy aitarlyqtai auqymdy. Mäselen, respublikada 1 mln.km2-den astam obanyŋ tabiǧi oşaǧybar jäne oba boiynşa enzootiialyq aumaq şekarasynyŋ keŋeigenı baiqalady. 2020 jyly tabiǧi oşaqtarda halyqtyŋ obamen syrqattanuyna jol bermeu üşın sanitariialyq-profilaktikalyq ıs-şaralardy oryndau barysynda enzootiialyq aumaqqa epizootologiialyq zertteu jürgızıldı.
«Enzootiialyq aumaqta jürgızılgen zertteuler barysynda oba qozdyrǧyşynyŋ 31 ştammy anyqtaldy. Halyqty oba auruynan qorǧau üşın 152 eldı mekennıŋ ainalasynda qorǧanys aimaqtary qūryldy. Endemiialyq audandarda obaǧa qarsy 113705 adam egıldı. Aldaǧy epidemiologiialyq mausymǧa bailanysty aumaq äkımderı daiyndyqty aldyn ala bastauy qajet», - dep atap öttı Densaulyq saqtau ministrı.Sonymen qatar, elımızdıŋ oŋtüstık öŋırlerı kongo-qyrym gemorragiialyq qyzbasymen syrqattanu boiynşa endemikalyq bolyp qaluda. Soŋǧy üş jylda KQGQ syrqattanuşylyq bır deŋgeide qalyp otyr. KQGQ aldyn alu maqsatynda 2020 jyly sanitarlyq-epidemiologiialyq qyzmet 318 eldı mekennıŋ ainalasynda qorǧanys aimaqtaryn qūrdy. Jergılıktı atqaruşy organdar 6,9 mln. mal basyn öŋdedı, 1092 eldı mekende mal qoralary ındetke qarsy öŋdeldı, buferlık aimaqtar qūryldy.
«KQGQ boiynşa epidemiialyq mausym qarsaŋynda jäne oŋtüstık öŋırlerdegı künnıŋ jyluyn eskere otyryp, öŋır äkımdıkterı KQGQ aurularynyŋ aldyn alu mäselesın mūqiiat pysyqtauy qajet – atap aitqanda, buferlık aimaq qūru, mal jäne mal şaruaşylyǧy qoralaryna, eldı mekenderdegı jeke aulalarǧa, uaqytşa tūraqtarǧa, qoralarǧa jäne qorşaǧan aumaqqa kenege qarsy öŋdeu jürgızu», - dep mälımdedı A.Soi.Būdan basqa, ötken jyldardyŋ täjıribesın eskere otyryp, MSAK, jedel medisinalyq järdem medisina qyzmetkerlerınıŋ jäne basqa da beiındı mamandardyŋ KQGQ-ny erte anyqtau, saralanǧan diagnostikalau jäne klinisisterdıŋ pasientterde epidemiialyq mausymda ǧana emes, sonymen qatar epidemiiaaralyq kezeŋde de epidanamnezdı jinau bölıgınde sergektıgın jäne daiyndyq deŋgeiın arttyru boiynşa şaralardy ıske asyru qajet. KQGQ-ny arnaiy virusqa qarsy emdeu üşın immundyq plazmanyŋ jäne basqa preparattardyŋ qajettı qorymen qamtamasyz etu. KQGQ nauqastaryn kütu, emdeu kezınde epidemiiaǧa qarsy rejim talaptaryn saqtau. Sondai-aq, aldyn alu şaralary jäne medisinalyq kömekke uaqtyly jügınudıŋ maŋyzdylyǧy turaly halyq arasynda qazırdıŋ özınde aqparattyq-tüsındıru jūmystaryn jürgızu qajet. Qazırgı epidemiologiialyq mausymda QR-da JRVİ jäne tūmaumen syrqattanuşylyqtyŋ tömendeuı baiqalady. Ötken epidemiologiialyq mausymmen salystyrǧanda auru 2,2 ese azaidy. JRVİ-men syrqattanuşylyqtyŋ tömendeuı halyqty, onyŋ ışınde halyqtyŋ osal toptaryn tūmauǧa qarsy vaksinasiialaumen, maskalyq rejim, äleumettık araqaşyqtyq saqtaumen bailanysty. Sonymen qatar, aǧymdaǧy epidemiologiialyq mausymda tūmauǧa qarsy vaksinasiiamen qamtamasyz etu täjıribesın jäne vaksinalardyŋ jetıspeuşılıgın eskere otyryp, ministr tiıstı kontingenttı vaksinasiialaumen qamtu üşın tūmauǧa qarsy vaksinany satyp aluǧa qarajat böludı qazırden bastap ūlǧaitudy aumaq äkımderıne tapsyrudy sūrady, būl bıryŋǧai distribiutorǧa aldaǧy epidemiologiialyq mausymǧa tūmauǧa qarsy vaksinanyŋ kölemın rezervteuge mümkındık beredı. Onyŋ pıkırınşe, tūmauǧa qarsy vaksinaǧa daiyndyqty qazırden bastau kerek.
«Adyrna» ūlttyq portaly
