Almaty oblysynda äieldı ūrlap, öltırdı dep aiyptalǧan ekı äielge qatysty sot ükımı jariialandy, dep habarlady Almaty oblystyq sotynyŋ baspasöz qyzmetı.
2020 jyly mamyrda ekı äiel tanys qūrbysyn öz üiınen aldap ertıp ketken. Keiınnen ony kölıkpen Eskeldı audanynyŋ Matai Baiysov (būrynǧy Budionnyi) atyndaǧy auylǧa aparyp, sol jerde asqan qatygezdıkpen öltırgen.
Sot prosesınde sottaluşylardyŋ bırı taǧylǧan aiypty moiyndamady. Al ekınşısı auyrlatatyn män-jailarsyz adam öltıru ısı boiynşa būl prosestı qaita qaraudy sūrady. Prokuror bolsa, sottaluşylardy 19 jäne 20 jylǧa bas bostandyǧynan aiyrudy sūrady.
"15 nauryzda atalǧan ıs boiynşa jinalǧan däleldemelerdı eskere otyryp, sot ekı äieldı de kınälı dep tapty. Sottaluşylardyŋ bırı 18 jylǧa, ekınşısı 17 jylǧa bas bostandyǧynan aiyryldy", – dep habarlady Almaty oblystyq sotynyŋ baspasöz qyzmetı.Sonymen qatar, jäbırlenuşınıŋ materialdyq şyǧyndy öndıru jäne moraldyq ziiandy öteu turaly azamattyq talaptary ışınara qanaǧattandyrylady. Sottaluşylardan materialdyq şyǧyn retınde 1 million 323 myŋ 498 teŋge, sondai-aq moraldyq ziiandy öteu üşın ärqaisysynan 5 million teŋge öndırıldı.
