Qazaqstan Ūlttyq Bankı qūramdas bölıgınde altyn komponentı bar kümısten jasalǧan nominaly 1000 teŋgelık «Este qalatyn oqiǧalar men bırtuar adamdar» seriiasynan «QAZAQSTANNYŃ ASTANASY – NUR-SULTAN» kolleksiialyq monetalaryn şyǧarady, dep habarlaidy «Adyrna» tılşısı.
Monetalar satylymǧa şyǧatyn künge qatysty aqparat Ūlttyq Banktıŋ resmi saitynda qosymşa jariialanady.
«Nominaly 1 000 teŋgelık, jalpy massasy 62,2 gramm, 925/1000 synamaly kümısten, massasy 46,2 gramm, qūramdas bölıgı 999/1000 synamaly altynnan, massasy 16 gramm, «proof» daiyndau sapasymen, diametrı 50 mm monetalar 1 000 dana taralymmen daiyndalǧan»,-delıngen habarlamada.Monetalar tölemnıŋ barlyq türı boiynşa Qazaqstan Respublikasynyŋ bükıl aumaǧynda qabyldanuǧa, sondai-aq Qazaqstan Respublikasynyŋ barlyq bankınde bank şottaryna esepke alynuǧa, audaryluǧa, ūsaqtaluǧa jäne aiyrbastaluǧa mındettı. Monetalar kädesyi oramynda şyǧarylady jäne memlekettık tılde, orys, aǧylşyn tılderınde Qazaqstan Ūlttyq Bankınıŋ nömırlık sapa sertifikatymen jabdyqtalǧan. Kolleksiialyq monetalar Qazaqstan teŋge saraiynda daiyndaldy.
«Adyrna» ūlttyq portaly
