Äleumettık jelılerde 76 jastaǧy jalǧyzbasty zeinetkerdıŋ üiıne aldap kırıp, pyşaqpen qorqytyp, baǧaly būiymdary men aqşasyn alyp ketken küdıktı turaly aqparat taraǧan edı. Öz kezegınde tūrǧyndar chattar arqyly saq bolu qajettılıgı turaly habarlamalar taratqan, – dep habarlaidy «Adyrna» tılşısı Polisia.kz-ke sılteme jasap.
Atyrau oblysy Polisiia departamentınıŋ qyzmetkerlerı jürgızgen arnaiy jedel-ızdestıru ıs-şaralary barysynda osy qylmysty jasauǧa qatysy bar Mahambet audanynda tuǧan 31 jastaǧy azamat ūstaldy. Öz kınäsın tolyq moiyndaǧan küdıktıden aiǧaq zat retınde altyn būiymdar alyndy.
Aita keteiık, küdıktı 14 nauryz künı saǧat 08:00 şamasynda jäbırlenuşınıŋ üiıne zaŋsyz kırıp, 1945 jyly tuǧan azamatşany üşkır zatpen qorqytyp, türlı kupiuralardan tūratyn 14 000 teŋge aqşasy men altyn būiymdaryn alyp ketken. Keltırılgen zalal 114.000 teŋge. Atalǧan derek boiynşa Atyrau qalasynyŋ №2 polisiia bölımı Qylmystyq kodekstıŋ 192-babynyŋ 3-bölıgımen (Qaraqşylyq) sotqa deiıngı tergep-tekseru jürgızude. Küdıktı uaqytşa ūstau izoliatoryna qamauǧa alyndy. Özge aqparat Qylmystyq-prosestık kodekstıŋ 201-babyna säikes jariialauǧa jatpaidy.
https://youtu.be/pQCCq0-era8
«Adyrna» ūlttyq portaly
