Volonterden tanymal blogerge deiın: «Elbasy Medalı» jobasynyŋ qatysuşysy jastardy jaŋa jeŋısterge yntalandyrady

«Elbasy Medalı» jobasynyŋ qola medal iegerı, Şyǧys Qazaqstan oblysynan kelgen toǧyzynşy synyp oquşysy Erkejan Jünısova Instagram jelısınde özınıŋ onlain-kündelıgın jürgızedı. Özınıŋ beinelerı men jazbalarynda oquşy özın-özı tärbieleu, ekologiiany jaqsartu, orys tarihy jäne taǧy basqa taqyryptarda äŋgıme-düken qūrady. Erkejan oqyrmandaryn belsendı ömır saltyn ūstanuǧa jäne özın-özı damytumen ainalysuǧa şaqyrady. «Adamdar maǧan sen bızdı yntalandyrasyŋ dep jazǧanda erekşe sezımge bölınemın. Men adamdarmen jūmys ıstegendı jäne söileskendı ūnatamyn, öitkenı olar menıŋ motivasiiamnyŋ qainar közı. Olar maǧan berılmeuge jäne basqalardy yntalandyru üşın maqsatyma jetuge kömektesedı», - deidı mektep oquşysy. Soŋǧy alty aida Erkejannyŋ jazyluşylary onyŋ elımızdıgı eŋ auqymdy «Elbasy Medalı» jobasyna qatysu barysyn baqylap otyrdy. Boijetken alty ai boiy bırneşe baǧyt boiynşa tapsyrmalar oryndady: kıtap oqu, ūlttyq mūra, erıktılık, sport jäne deneşynyqtyru, daryn men daǧdy. Joba erejesıne sai qatysuşylar apta saiyn oryndalǧan tapsyrmalardyŋ esebın jükteu kerek. «Erıktılık daǧdylaryn damytu erekşe äser qaldyrdy, qalamyzdaǧy ekologiialyq jaǧdaidy jaqsartu jäne mūqtaj adamdarǧa kömektesu şaralaryna at salystym. Jūmys künınıŋ aiaǧyna taman adamdarǧa köterıŋkı köŋıl küi syilaudyŋ özı paidaly ıs», - deidı joba qatysuşysy. Joba barysynda oquşy Instagram-da «Volonter kündelıgın» jürgızdı, al ata-anasy men ata-äjesı beine-esepterdı jasauǧa belsendı qatysty. Baǧyt tapsyrmalaryn tolyq oryndaǧannan keiın jas bloger «Elbasy Medalı» jobasynyŋ qola medalın ielendı. «Men üşın būl jai ǧana marapat emes. Maqsatyma jetu üşın 6 ai boiy tabandylyq tanytyp, tärtıptı boldym. Ülken täjıribe aldym jäne ony özgelermen bölıskım keldı. Bärıne ūnady de oilaimyn, öitkenı olar menen joba turaly sūrai bastady.  Basqa aimaqtardan da köp jazady.  Olardyŋ basym bölıgı özım sekıldı joba jeŋımpazdary, bızde tūtas qoǧamdastyq qalyptasty dese de bolady.  Men osy ūjymnyŋ bır bölıgı bolǧanyma quanyştymyn jäne osyndai mümkındık üşın Elbasyna alǧysymdy bıldıremın», - dedı Erkejan. (video) «Elbasy Medalı» - jastardy keşendı damytuǧa baǧyttalǧan ūlttyq deŋgeidegı jalǧyz baǧdarlama. Ol 7 negızgı baǧyttan tūrady: sport, daryn men daǧdy, kıtap oqu, ūlttyq mūra, erıktılık, turistık saiahattar, eŋbek täjıribesı. Qatysuşylar 14-29 jas aralyǧyndaǧy jas qazaqstandyqtar. Baǧdarlamada barlyǧy 3 deŋgeiden tūrady: qola, kümıs jäne altyn. 2020 jyly «Elbasy Medalı» 11 myŋ qatysuşy, 600 tälımger, 17 öŋırlık üilestıruşı men sarapşynyŋ basyn qosty. Jobany Nūrsūltan Nazarbaev Qory men Elbasy Akademiiasy «El Ümıtı» bastamasy aiasynda jüzege asyrady.