“Eskertkishti armandamaǵan edi”. Bul týraly jazýshynyń jary Raısa Hısmatýllına Gerold Belgerge qoıylǵan eskertkishtiń saltanatty ashylýynda aıtty. Onyń aıtýynsha, jazýshy ózine eskertkish, memorıaldy taqta saldyrýda armandamaǵan, óte qarapaıym adam bolǵan, dep habarlaıdy “Adyrna” ulttyq portaly baq.kz-ke silteme jasap.
"Gerold Belger 1954 jyldary elimizdiń soltústiginen shýaqty Almatyǵa kóship keldi. Ol bul qalany janyndaı jaqsy kórdi jáne osynda ózin baqytty sezindi. Osy osy alleıada serýendep, kóp tynyǵatyn. Mine, búgin onyń júrgen jerine eskertkish qoıylyp otyr. Osyndaı keremet eskertkishti bizge syılaǵan músinshi Nurlan Dalbaıǵa alǵys bildiremin. Bul músinshini tanystyrýdyń qajeti joq, ol - Táýelsizdik monýmentinen bastap kóptegen ataqty eskertkishterdi jasaǵan adam. Onyń jumystarynyń bári shedevr", - dedi Raısa Hısmatýllına.
Sonymen qatar ol bul eskertkishti turǵyzýǵa kóp ter tókken kıonorejısser Ermek Tursynovqa da alǵys aıtty.
"Gerold Belger árdaıym Ermek Tursynovty qurmettep, ony shynaıy jaqsy kórdi. Ermek osy eskertkishti jasaý úshin 5 jyl ishinde kóptegen tabaldyryqty tozdyrdy. Ol óz ıdeıasy boıynsha osy eskertkishti jasaýdy qalady. Ermek Geroldti ákesindeı kórdi, onyń kózi ketkennen beri ol kóp is tyndyrdy. Ondaıdy tipten týǵan uly da isteı almas edi", - dedi jazýshynyń jary.
Ol kisi mundaıdy jaqtyrmaýshy edi. Kishipeıil, qarapaıym adam boldy ǵoı. Bul eskertkish ol kisige emes, bizge kerek dep oılaımyn..." - dedi Ermek Tursynov.
Sondaı-aq kınorejısser, jazýshy Ermek Tursynov ta búgin úlken bir aramany oryndalǵanyn aıtty.
"Ger-aǵa osydan 6 jyl buryn bizben qoshtasyp ketken edi. Sodan beri armandap júrgen bir oıym búgin oryndalyp otyr. Ol kisi keter aldynda "meniń qoljazbalarymnyń barlyǵyn kitap etip shyǵaryp beresiń" dep amanattaǵan. Biraq eskertkish týraly eshqandaı áńgime bolǵan joq. Bul - meniń óz oıymnan shyqqan nárse. Ol kisi mundaıdy jaqtyrmaýshy edi. Kishipeıil, qarapaıym adam boldy ǵoı. Bul eskertkish ol kisige emes, bizge kerek dep oılaımyn. Sondyqtan Ger-aǵam qaıtadan elge oraldy", - dedi Ermek Tursynov.
