Torǧaidyŋ qalai ūşqanyna, qyrǧidyŋ qalai qonǧanyna deiın qadaǧalap otyratyn qyraǧy közderı köp keŋestık däuırdıŋ özınde de ūlttyq dästürler ızım-qaiym joǧalyp ketken joq-ty. Mäselen, qyp-qyzyl komsomoldyŋ basty basylymy – «Leninşıl jas» jyl saiyn «köktem nömırı» degen jeleumen nauryzdy kädımgıdei atap ötetın.
Nauryz dep resmi türde aityla qoimaidy, ärine. Onyŋ esesıne, redaksiiamyzdyŋ qūt-berekesı – Bibıhan apai üiınen ala kelgen nauryz köjenı bärımızge molynan jetkızedı. Sol künı gazet jasyl tüske enedı. Köktemnıŋ tynysynan, tabiǧattyŋ tüleuınen syr sabaqtaityn maŋyzdy maqalalar jaryq köredı. Basylym betınde jaŋaru men jasarudyŋ belgısı baiqalady. Jetınşı qabatta jyly jel eskendei bolady.
On alty jyl bas redaktorlyq qyzmet atqarǧan Seidahmet Berdıqūlov būl dästürdı būljytpai saqtady. Alaida, beiresmi salttyŋ törkını ärırekte jatqan siiaqty. Sırä, Şeraǧaŋdardyŋ däuırınen tamyr tartady-au deimın.
Mynau – keŋestık kezeŋdegı gazettıŋ soŋǧy «köktem nömırı». Sol künı şyǧa bastaǧanyna 70 jyl tolǧan «Leninşıl jas»... 1991 jylǧy 22 nauryz... Basylymda qyzmet ısteitın barlyq jurnalister söz alǧan-dy. Bärınıŋ de suretı jariialandy... Sodan berı 30 jyl öttı...
Al bügın alǧaşqy nömırıne nebärı 19 jastaǧy Ǧani Mūratbaev qol qoiǧan «Jas Alaş» gazetınıŋ jaryqqa şyqqanyna 100 jyl toldy! Bärımızdı tületıp ūşyrǧan berekelı basylymnyŋ ǧasyrlyq mereitoiy qūtty bolsyn!
Bauyrjan OMARŪLY
Ūqsas jaŋalyqtar
