"Jezqazǧan-Sätbaev" trassasynda jol-kölık oqiǧasy saldarynan bes adam qaza tapty, dep habarlaidy Qaraǧandy oblysy PD baspasöz qyzmetı.
22 nauryz künı saǧat 00.30-da «Jezqazǧan-Sätbaev» avtojolynda «VAZ» avtokölıgınıŋ 31 jastaǧy jürgızuşısı rulge ie bola almai qalyp, joldy bölıp tūrǧan qorşaudyŋ kronşteinıne soǧylǧan.
«Jol-kölık oqiǧasy saldarynan «VAZ» avtokölıgınıŋ jürgızuşısı men onyŋ 4 jolauşysy alǧan jaraqattarynan oqiǧa ornynda köz jūmdy. Atalǧan faktı boiynşa QR QK 345-baby 4-bölıgı boiynşa sotqa deiıngı tergeu bastaldy. Tiıstı saraptamalar taǧaiyndaldy, tergeu jürgızılude», - dep habarlady Qaraǧandy oblysy PD baspasöz qyzmetınen.
