Toqaev Putinmen telefon arqyly qandai mäsele şeşpek?

QR Prezidentı Qasym-Jomart Toqaev Resei Prezidentı Vladimir Putinmen telefon arqyly söilestı, dep habarlaidy Aqorda. Almaty, NEGE. Memleket basşylary sauda-ekonomikalyq jäne äskeri-tehnikalyq yntymaqtastyqtyŋ qazırgı ahualyna, sondai-aq, Qazaqstanda sifrlyq platforma qūru turaly qol jetkızılgen uaǧdalastyqqa joǧary baǧa berdı. Qazaqstan Prezidentı ūşaq qūrastyru, avtokölık jasau, himiia industriiasy salalaryndaǧy bırlesken jobalarǧa köŋılı tolatynyn jetkızdı. Onyŋ pıkırınşe, biylǧy säuır aiynda Qazan qalasynda ekı memlekettıŋ ükımetterı arasynda qol qoiylatyn 2021-2025 jyldarǧa arnalǧan ekonomikalyq yntymaqtastyqtyŋ keşendı baǧdarlamasynyŋ maŋyzy zor bolmaq. Vladimir Putin Resei men Qazaqstan arasyndaǧy sauda-ekonomikalyq, äskeri-tehnikalyq jäne sifrlyq salalar boiynşa bailanystardy nyǧaitudyŋ maŋyzdy ekenın atap öttı. Äŋgımelesu barysynda Qasym-Jomart Toqaev elımızge «Sputnik V» vaksinasynyŋ qosymşa bölıgın jetkızu jaiynda ötınış bıldırdı. Taraptar Euraziialyq ekonomikalyq odaqtyŋ äleuetın odan ärı arttyruǧa qatysty ūstanymdary säikes keletının aityp, serıktestıktıŋ būl baǧytynda tyǧyz yqpaldasa jūmys ısteuge kelıstı.