Astana qalasynan şyǧatyn respublikalyq maŋyzy bar avtojoldar uchaskesınde barlyq avtokölık türı üşın qozǧalys jabyldy, dep habarlaidy Azattyq ruhy.
Qūtqaruşylar qarly boranmen küresude. «Qazgidromettıŋ» mälımetınşe, osy jyldyŋ 23 nauryz künı saǧat 21:00-den 24 nauryz saǧat 21:00-ge deiın tünde būrqasyn bolyp, soltüstık-batystan soqqan jeldıŋ ekpını 15-18 m/s jetedı, dep habarlaidy qala äkımdıgınıŋ resmi saity.
Avariialyq-qūtqaru, kezek küttırmeitın jūmystarǧa, patruldeuge qalanyŋ şūǧyl qyzmetterınıŋ jeke qūramy, onyŋ ışınde Nūr-Sūltan qalasy TJD, QR IIM, JAO, jol qyzmetterı jūmyldyryldy. «Rubej» beketterınde avtokölıkter jinalyp qaldy: 135 jeŋıl kölık, 29 jük avtokölıgı, onyŋ ışınde: Şuchinsk qalasy baǧytynda - 40 jeŋıl, 10 jük avtomobilı; Qaraǧandy qalasy baǧytynda - 15 jeŋıl, 7 jük avtokölıgı; Qorǧaljyn kentı baǧytynda - 30 jeŋıl, 5 jük avtomobilı; Pavlodar qalasy baǧytynda - 50 jeŋıl, 7 jük avtokölıgı tūr.
Elordalyq qūtqaruşylardyŋ küşımen osy uaqytqa deiın 18 adam, onyŋ ışınde 2 bala, sondai-aq 5 bırlık tehnika qūtqaryldy. Qazırgı uaqytta aua raiynyŋ naşarlauyna bailanysty (qar, boran, köktaiǧaq, körınudıŋ şekteluı) Nūr-Sūltan qalasynan respublikalyq maŋyzy bar avtojoldar uchaskesınde barlyq avtokölık türı üşın qozǧalys jabyldy.
«Qūrmettı azamattar! Nūr-Sūltan qalasy TJD qala syrtyna şyqpauǧa, şūǧyl qyzmetterdıŋ eskertuıne qūlaq asuǧa, balalardy eresekterdıŋ qarauynsyz köşege şyǧarmauǧa keŋes beredı; üide jylytu qūrylǧylaryn paidalanbaŋyz; jürgızuşıler jolda qauıpsız jyldamdyqpen jüruı kerek, sondai-aq qauıptı manevrlerden aulaq bolu kerek; joldardyŋ aşyluy nemese jabyluy turaly aqparatty bızdıŋ «112-Nur-Sultan» Telegramm arnasyna, sondai-aq 112 telefony boiynşa qadaǧalai alasyz», - delıngen TJD habarlamasynda.
