Tarazda merzımdı qyzmettegı sarbaz äskeri bölımnen qaşyp kettı. Tüngı kezekşılık kezınde joǧalyp ketken 19 jastaǧy jıgıttı 4 künnen berı ızdep jatyr, dep habarlaidy Habar 24 saity.
Äskerilerdıŋ aituynşa, Nūrasyl Arysbaev tüngı saǧat üş şamasynda äskeri bölımnen eşkımge eskertpesten öz erkımen ketıp qalǧan. Janyndaǧy serıgı de baiqamaǧan. Sarbaz älı 6 ai äskeri boryşyn öteuı kerek. Nūrasyldyŋ ketıp qalǧanyna äskeriler taŋǧalyp otyr. Sebebı, ol basqalarmen qarym-qatynasy jaqsy, sabyrly jıgıt. Jauaptylar onyŋ qolynda qaru joq ekenın mälımdedı. Al, sarbazdyŋ tuystary onyŋ qaşyp ketkenıne senbeidı.
«Soŋǧy ret 20-synda zvondady, «bärı jaqsy mama, uaiymdamaŋyz»-dedı. Eşkım renjıtıp jatqan joq pa, dep sūradym. «Joq, bärı jaqsy, uaiymdamaŋyz, balalar da jaqsy, komandirler de jaqsy», dedı»,-deidı sarbazdyŋ anasy Güljan Arysbaeva.«Ne sebepten qaşyp ketkenı bızge beimälım. Bügıngı taŋda Jambyl oblysy boiynşa jäne Taraz qalasynda osy äskeri bölımnıŋ qyzmetkerlerı jäne qūqyq qorǧau organdary tarapynan Taraz qalasy polisiia basqarmasynyŋ qyzmetkerlerı ızdestıru şaralaryn jürgızıpjatyr. Äzırge nätije joq»,-deidı 8595 äskeri bölımı komandirınıŋ tärbie jäne ideologiialyq jūmystar jönındegı orynbasary Bauyrjan Düisenbaev.
