Almaty qalasy, Zerdeli yqsham aýdanynda, 25 naýryzda avtokólik urlandy. Kópbalaly otbasynyń kóligin qaǵyp ketken ury áli izdestirilýde, dep habarlaıdy "Adyrna" ulttyq portaly.
25 naýryz saǵat tańǵy 03.52-de "Toyota Camry 50" avtokóligi urlandy. Oryn alǵan jaǵdaıdy "Adyrna" tilshisine kólik ıesiniń jary:
"Tańǵy saǵat 7-de biz turdyq, sol kezde joldasym aýladan mashınanyń joq ekenin kórdi. Keıinnen aýlanyń kamerasynan qarasa, saǵat 03.52-de shyǵyp ketken mashına. Aýlanyń ǵana kamerasynan kóringen, ary qaraı trassadaǵy sergek kameralarynyń eshbirinen kórinbeıdi. Burylǵany kórinbeıdi, qalaı qaraı ketkeni belgisiz. Búgin mine neshe kún boldy, áli eshqandaı jańalyq joq. Eń bolmaǵanda, qaı jaqqa qaraı ketkeni jaıly da aıtpaı otyr. Sol 25-i kúni joldasym polıııamen barlyq kameralardy qarady, biraq naqty esh aıǵaqtar kórinbeıdi. "Sergekterden, kóliktiń túsin ajyratý múmkin emes" deıdi joldasym. Ol ýaqytta birneshe mashına shyqqan, biraq onyń qaısysy ekendigi kórinbeıdi. Biz jaqta jóndeý jumystary júrip jatqandyqtan, jumyskerler bordıýrlar qoıyp tastaǵan. Solardyń kesirinen kameradan qylmeskerdiń bet-júzderi de anyq emes. Tek qana mashınanyń júrip ketkeni baıqalǵan, kameraǵa kapıýshon, kepka kıgen eki balanyń ary-beri júrgenderi túsken" dep málimdedi.
Polıııa áli ashyǵyn aıtpady dep ashynǵan kóp balaly otbasynyń 5 kúnnen beri tabylmaı jatqan kóligin jymqyrǵan urylar, áli de izdestirilýde. Qosa keteıik, avtokólik sur tústi, aldyńǵy jolaýshylar esiginde oıyǵy bar jáne kapot aımaǵyndaǵy boıaýy óshirilgen bolatyn.
"Adyrna" ulttyq portaly
