Şymkent qalasyndaǧy «Tassai» industrialdy aimaǧynda dizeldı generator şyǧaratyn «New Technology Ltd» JŞS-y ornalasqan. Onda jylyna 300 dana dizeldı generator öndırıledı.
Qala äkımı Mūrat Äitenov atalmyş mekemenıŋ jūmysymen tanysty.
Joba 2018-2020 jyldary jüzege asty. Qūny - 300 mln teŋge. Qazır mūnda 30 adam tūraqty jūmyspen qamtylǧan.
Önımnıŋ 70 paiyzy – ışkı naryqta saudalansa, qalǧan 30 paiyzy Özbekstan elıne eksporttalady.
Käsıporynda alternator, dizeldı qozǧaltqyş, metall, porolon, şlang sekıldı qosalqy bölşekter de öndırıledı. «Biznestıŋ jol kartasy -2020» baǧdarlamasymen industrialdy aimaqtan 1 gektar jer bölıngen bolatyn.
Zauyttyŋ jūmysymen tanysqan şahar basşysy jūmysşy sanyn jäne önım kölemın arttyru qajettıgın aitty. Sonymen bırge, memlekettık mekemelerdı – auruhanalar men mektepterdı jergılıktı öndırılıp jatqan dizeldı generatordy tūtynuǧa şaqyru kerek dep tiıstı basşylarǧa tapsyrma jüktedı.
Şymkent qalasy äkımdıgınıŋ baspasöz qyzmetı
