Şymkent qalasynda bügın qaitarymsyz grantqa qūjat qabyldau bastaldy. Biylǧy sanitarlyq-epidemiologiialyq jaǧdaiǧa bailanysty grantqa ötınış bıldıru onlain formatta jüzege asyrylatyn bolady.
Azamattardyŋ qūjattary Telegram jelısındegı @enbekshymkentBot boiynşa 2021 jyldyŋ 26 nauryzy 09.00-den keşkı 19.00-ge deiın qabyldanady.
Osy grantqa qūjat tapsyru şarttary turaly tolyq aqparat beru maqsatynda Şymkent qalasynyŋ jūmyspen qamtu ortalyǧynyŋ mamandary «SHANYRAQ» Otbasy institutyn qoldau ortalyǧyna kelıp, köpbalaly analarǧa tüsındıru jūmystaryn jürgızdı.
Būl jolǧy qūjat tapsyruşylar ışınen 600 ötınış beruşınıŋ grant iesı atanu mümkındıgı bar. Sonymen qatar jūmyssyz, ärı atauly äleumettık kömek alyp otyrǧan, bır jasqa tolmaǧan balasy bar analar da qūjat tapsyruyna bolady.
Bıraq äiel jūmys ıstep jürıp, dekrettık demalysqa şyǧyp, jūmys orny saqtalyp tūrsa grantqa qūjat tapsyra almaidy, sebebı jūmyssyz dep tanylmaidy. Grant iegerı atanǧan AÄK aluşylar üş aidyŋ ışınde jeke käsıpker retınde tırkelıp, grant qarajatynyŋ esebın beruı tiıs. Al jūmyssyz retınde ötınış berıp, grant alsaŋyz jeke käsıpker retınde tırkelmei, tek bıryŋǧai jiyntyq tölem, iaǧni 2915 tg tölep otyrsaŋyz da bolady.
Sonymen qatar, kezdesude atauly äleumettık kömekke qatysty da saualdar talqylanyp, tolyqtai jauap berıldı. Osy jyldyŋ ekınşı toqsanynda AÄK avtomatty türde ūzartylmaityny, qaitadan qūjat tapsyru qajettıgı aityldy.
Aita ketetın jaǧdai, tekseru barysynda grant iegerı grant qarajattaryn maqsatsyz paidalanyp, basqa baǧytta jūmsaǧany anyqtalsa, baǧdarlama talaptaryna säikes grant qarajattaryn biudjetke qaitaru boiynşa tiıstı jūmystar atqarylatyn bolady.
Şymkent qalasy äkımdıgınıŋ baspasöz qyzmetı
