Almaty qalasy sanitariialyq-epidemiologiialyq baqylau departamentınıŋ basşysy, qalanyŋ bas memlekettık sanitarlyq därıgerı Jandarbek Bekşin qalanyŋ jabyluyna qatysty pıkır bıldırdı, dep habarlaidy "Adyrna" ūlttyq portaly derekközge sılteme jasap.
"Ärine, qazırgı ahual kürdelı. Bıraq qystan berı jasaǧan daiyndyǧymyz qazırgı jaǧdaidan ötuge mümkındık berıp otyr. Bügınde 7 011 tösek-oryn bar. Bos tösek-oryn sany 44,9 paiyz (2 520 oryn). Jansaqtau bölımındegı tösek-oryndardyŋ 62 paiyzy bos. Sondyqtan jaǧdai Qoǧamdyq densaulyq saqtau ūiymynyŋ baqylauynda, mäsele kündelıktı baqylauda. Alaŋdatatyn problema joq. Sebebı bärı auruhanaǧa der kezınde jatqyzylyp jatyr. Olardyŋ sany 250-270 şamasynda, 500-ge jetken joq. Sondyqtan qazırgı taŋda lokdaun, qalany jabu degen äŋgıme joq", - dedı Bekşin Öŋırlık kommunikasiialar alaŋynda ötken brifingte.Aita keteiık, Almaty bırneşe künnen berı COVID-19 jūqtyrǧan nauqastar sany boiynşa bırınşı orynda tūr. Qalanyŋ nauqastar sany boiynşa bırınşı orynda tūrǧanyna bırneşe kün boldy: 4 säuırde - 572 jaǧdai, 3 säuırde - 647, 2 säuırde - 647, 1 säuırde - 595, 31 nauryzda - 515, 30 nauryzda - 526, 29 nauryzda - 545.
"Adyrna" ūlttyq portaly
