Endı «qara tızımdegıler» de nesie ala alady

Endı nesie tarihy naşar azamattar, "qara tızımge" kırgenıne qaramastan, qaita bankke baryp qaryz räsımdei alady. Kredittı der kezınde jaba almaǧanyŋyz üşın aqtalyp, ötınış jazyp, qūjat tapsyrmaisyz, dep jazady «Adyrna» ūlttyq portaly Stan.kz. – ke sılteme jasap. Bastysy, nesie japqannan keiın, soŋǧy bır jyl uaqyt ışınde özge de problemaly kreditıŋız bolmauy kerek. Keibır ekonomisterdıŋ aituynşa, ekı künnen keiın ıske qosylatyn būl mehanizm "halyqty uaqytşa aldap qoiu üşın" jasalyp otyr. Būl turaly Stan.kz aqparat agenttıgı 31 arnanyŋ "İnformbiuro" baǧdarlamasyna sılteme jasap habarlaidy. Üş bankten nesie alǧan Esmaǧūl Seiıtqaliūly soŋǧy ekı jyl kreditın tölep jürgen joq. Öitkenı, jūbaiynyŋ da, özınıŋ de densaulyǧy syr berıp, tūraqty jūmysynan aiyrylyp qalǧan. Qazır qūrylysta zaŋdy türde jūmys ıstep, näpaqasyn tauyp jürgen azamat, qaryzynyŋ barlyǧyn bır bank arqyly qaita qarjylandyra almai jürgenın aitady. "Nesie berse alyp, jauyp tastar edım, mynanyŋ bärın. Sosyn bır bankke tölep otyraiyn dep edım. Bıreuıne", - dedı Almaty qalasynyŋ tūrǧyny Esmaǧūl Seiıtqaliūly. Esmaǧūl Janesımovtyŋ aituynşa, bankter ony "qara tızımde" tūrsyŋ dep kerı qaitarady. Endı mūndai azamattardyŋ qaita nesie räsımdeuı üşın qaitken künde de kreditın jauyp, tura bır jyl ışınde bankte özge de problemaly bereşegı bolmauy kerek. Sol kezde ǧana bırınşı kredittık biuro boryşkerdıŋ nesie tarihy "oŋaltyldy" iaǧni, qalpyna keltırıldı degen märtebenı bazaǧa engızedı. Būl status bölıp töleuge kelısken "qara tızımdegılerge de" berıledı, deidı mamandar. "Eger qaryz aluşynyŋ bereşegı tolyq emes, ışınara ötelgen bolsa, bankter būl qaryz aluşymen yŋǧaily kestesımen bırge oŋaltu josparyn jasaidy. Soǧan säikes qaryz aluşynyŋ oŋaltu josparyn oryndaǧany jäne soŋǧy 12 aida basqa merızımı ötken bereşegı bolmaǧan jaǧdaida "oŋaltyldy" degen märtebenı alady", - dedı QR qarjy naryǧyn retteu jäne damytu agenttıgınıŋ departament direktorynyŋ orynbasary Erlan Seiılov. Ekonomist Meruert Mahmūtovanyŋ aituynşa, būl - qaryzǧa belşeden batqan būqarany jūbatudyŋ eŋ tiımdı täsılı. Bır jaǧynan osy mehanizm arqyly boryşkerlerden bankter qarajat jinap, ainalymyn arttyrǧysy keletının aitady. Bıraq, ekonomist as-auqattyŋ özın bank kartasy arqyly bölıp tölep jürgen jūrttyŋ jappai nesiesın qaitaratyna kümänmen qaraidy. "Azamattar äbden qaryzǧa batyp tölei almai jatqanda, ol köşege şyǧady. Sondyqtan bilık ondai bır şeşımdı amalsyzdan qabyldap otyr. Bankterdıŋ saiasaty ne de bolsa özımızdıŋ paidamyzdy ūlǧaitu degendei", - dedı Meruert Mahmūtova. "Oŋaltyldy" degen märtebe bank aldyndaǧy qaryzyn būǧan deiın ötep qoiǧan, bıraq "qara tızımde" tūrǧan azamattarǧa da tıkelei qatysty. Endı olar 12 ai boiy problemaly nesiege ūrynbasa, qaita kredit räsımdei berse bolady. Aita keteiık, būl mümkındık tek qana "tūtynuşylyq nesie" alǧandarǧa berıledı eken.