Älemdık geosaiasi tartys pen teketıres imperiialyq ambisiiasy basym elderdıŋ öz qolynda qandai quatty qarulary bar ekenın körsetıp jatyr. Būl da saiasi psihologiia men saiasi tūqyrtudyŋ bır amaly siiaqty.
Türkiianyŋ Bayractar kompaniiasymen serıktes Akıncı kompaniiasy kezektı quatty drondaryn ekspluatasiiaǧa şyǧardy. Būl soŋǧy buyn drondary Äzerbaijan men Armeniianyŋ arasynda ötken soǧysta paidalanylǧan Bayractar TV2 drondarynan äldeqaida quatty dep aqparattar berılıp jatyr.
Akıncı kompaniiasynyŋ drondarynyŋ tehnikalyq harakteristikasy mynadai:
-salmaǧy - 5 tonna;-quattylyǧy - 850 attyŋ küşıne para par;-12 şaqyrym biıktıkke deiın jūmys jasauǧa mümkındıgı bar;-jyldamdyǧy - 460 km/saǧ:-aspanda 24 saǧat boiy jūmys jasai alady;-qanatynyŋ araqaşyqtyǧy - 24 m;
Akıncı kompaniiasynyŋ drondary Bairaktardyŋ aldyŋǧy buynynan äldeqaida quattylyǧymen qatar salmaǧy da äldeqaida auyr. Salmaǧy auyr bolǧan saiyn onyŋ soǧystaǧy joiu mümkındıgı de joiqyn degen söz. Soŋǧy seriialy şyǧarylymdaǧy dronnyŋ bombalauşy ūşaqtardy, äskeri bazalar men boepripastardy, strategiialyq maŋyzdy nysandardy joiyp jıberu yqtimaldylyǧy öte joǧary. Aviabombalardy tastaudaǧy däldıgı de öte joǧary. Tıptı joǧary jyldamdyqtaǧy ūşyp kele jatqan qanatty zymyrandardy da radardan şyǧarmai qaǧyp tüsıruge qauqarly eken.
Däl osyndai quatty qarulary qolynda tūrǧannan keiın Erdoǧan älemdık geosaiasi teketıreske belsene aralasyp, Türkiianyŋ halyqaralyq saiasattaǧy ambisiiasyn qaita-qaita körsetıp jatyr. Erdoǧan özıne senımdı bolmasa, däl osyndai älemdık teketıreske aralaspas edı.
Bekbolat QARJAN,
"Adyrna" ūlttyq portaly
Ūqsas jaŋalyqtar
