Memleket basshysy Nur-Sultan qalasynyń ákimi Altaı Kólginovti qabyldady, dep habarlady Aqorda.
Qasym-Jomart Toqaev azamattar koronavırýsqa qarsy ekpeni tezirek alǵan jaǵdaıda ǵana qoǵamdyq oryndarda bir-birine qaýip tóndirmeıtinin, bıznes jandana túsetinin, qyzmetkerlerdiń jumys oryndaryna alańdamaı barýyna jáne halyqtyń qalypty ómirge qaıta oralýyna tolyq múmkindik bolatynyn aıtty.
Prezıdent turǵyndarǵa vakına salýdy ýaqytyly jáne jappaı uıymdastyrý, epıdemıologııalyq jaǵdaıdy baqylaýda ustap, halyqtyń densaýlyǵyn saqtaý jóninde qala ákimine tapsyrma berdi.
Memleket basshysyna qaladaǵy halyq sanynyń artýyna baılanysty bilim berý oshaqtaryn salý arqyly úsh aýysymdyq mektepterdiń máselesin sheshý, kezekte turǵan azamattardy qoljetimdi baspanamen qamtamasyz etý boıynsha aqparat berildi.
Sonymen qatar Qasym-Jomart Toqaev Altaı Kólginovke qalany gazdandyrý máselesin sheshýdi, ınvestıııa tartýdy, Jumyspen qamtý jol kartasyn tıimdi júzege asyrýdy, shaǵyn jáne orta bızneske qoldaý kórsetýdi tapsyrdy.
